Almennar upplýsingar um námið
Í samstarfi við Æðarræktarfélag Íslands og Atvinnuvega- og nýsköpunarráðuneytið.
Námskeiðið er ætlað þeim sem vilja öðlast réttindi eða viðhalda réttindum sem dúnmatsmenn samkvæmt reglugerð um gæðamat á æðardúni nr. 350/2011, þ.m.t. þeim dúnmatsmönnum sem starfað hafa á undanþágu frá atvinnu- og nýsköpunarráðuneytinu. Þá er námskeiðið einnig ætlað öllu áhugafólki um æðarrækt, m.a. þeim mörgu sem hafa hugleitt það að hefja æðarrækt.
Farið er yfir lifnaðarhætti, eiginleika og sérstöðu æðarfuglsins, hvernig eigi að koma upp varpi og ferilinn frá dúntekju til sölu dúnsins. Þær óskir og kröfur sem neytandinn gerir til æðardúns og hvernig þörfum er fullnægt. Litið á þær kröfur sem gerðar eru til gæðamats á æðardúni og þann lagaramma sem viðkomandi búgrein býr við. Góður tími verður einnig gefinn til verklegrar þjálfunar við flokkun og gæðamat á æðardúni, ásamt umræðum.
Vegna sóttvarnarreglna fer námskeiðið fram í fjarkennsluforritinu TEAMS, sem er einfalt og notendavænt kerfi. Þátttakendur námskeiðsins sjá kennarann og glærur auk annarra þátttakenda. Þátttakendur geta einnig spurt spurninga og tekið þátt í umræðum og spjalli undir stjórn fyrirlesara.
Fyrir þá sem ætla að sækja sér dúnmatsréttindi verður verkleg þjálfun haldin í staðarnámi hjá Landbúnaðarháskóla Íslands á Keldnaholti, Árleyni 22 í Reykjavík þriðjudaginn 20. apríl kl. 17-18. Kennari er Helga Björk Jónsdóttir dúnmatsmaður.
Gagnlegar upplýsingar varðandi fjarkennslu
Það eina sem þú þarft að gera er að hafa til taks tölvu, spjaldtölvu eða síma og hljóðnema. Flestar tölvur eru með vefmyndavél og viljum við biðja þig um að hafa kveikt á henni til að við sjáum hvert annað, þannig skapast skemmtilegri stemning og samræður verða líflegri.
Gott er að vera komin inn á fundinn 2-3 mín áður en námskeiðið byrjar til að við getum byrjað á réttum tíma.
Við sendum hlekk námskeiðsins deginum áður en það hefst á það netfang sem þú gefur upp við skráningu. Þú færð einnig sendar góðar leiðbeiningar um þátttöku í gegnum TEAMS. Þú þarft síðan eingöngu að smella á hlekkinn til að fara inn á námskeiðið og því ekki nauðsynlegt að hlaða TEAMS forritinu niður.
Tími: Lau. 10. apríl kl. 10:00 – 16.00 – fyrir þá sem ætla að sækja um dúnmatsréttindi verður verkleg kennsla í staðarnámi hjá LBHÍ á Keldnaholti, 20. apríl kl. 17-18.
Staður: Fjarkennsla á Teams
Kennsla: Ýmsir sérfræðingar, sjá dagskrá hér fyrir neðan
Verð: 29.000 kr.
Hagnýtar upplýsingar: Flest stéttarfélög styrkja félagsmenn sína til að sækja námskeið eða nám.
Dagskrá
10:00 Setning – Áshildur Bragadóttir endurmenntunarstjóri LBHÍ
10:10-11:00 Æðarfugl, lifnaðarhættir, líffræði og varpstöðvar – Jón Einar Jónsson forstöðumaður Rannsóknarseturs Háskóla Íslands á Snæfellsnesi
11:00-11:30 Lög um gæðamat á æðardúni og hlutverk æðardúnsmatsmanna – Guðrún Gauksdóttir formaður Æðarræktarfélags Íslands
11:30-12:10 Æðardúnn, eiginleikar, meðferð og hreinsun – Erla Friðriksdóttir framkvæmdastjóri og eigandi Íslensk æðardúns ehf.
12:10-12:50 Hádegishlé
12:50-13:30 Útflutningur æðardúns og óskir kaupenda – Erla Friðriksdóttir framkvæmdastjóri og eigandi Íslensk æðardúns ehf.
13:30-14:20 Að hefja æðarrækt – Margrét Rögnvaldsdóttir æðarbóndi
14:20-15:00 Dúnmat – Helga Björk Jónsdóttir dúnmatsmaður
Umræður og dagskrárlok
Umsókn
Endurmenntun LbhÍ
Landbúnaðarháskóli Íslands býr yfir sterkum og góðum tengslum við atvinnulífið og landsbyggðina sem er jafnframt grunnur að góðri og öflugri endurmenntunardeild við skólann. Endurmenntun LbhÍ þjónar því flestum starfandi einstaklingum á sviði umhverfistengdra málefna í þjóðfélaginu.
Hvanneyri - 311 Borgarbyggð
Keldnaholt - 112 Reykjavík
Reykir - 816 Ölfus
Sími 433-5000
Kt. 411204-3590
