Námskeiðinu er ætlað að kynna náttúruna í máli og myndum og vekja áhuga á henni og sýna hver eru og hafa verið gagnvirk áhrif manns og náttúru. 

Fjallað verður um landnám á Íslandi og lifnaðarhætti, sögu náttúrunýtingar og áhrif landbúnaðar og annarra landnytja á náttúruna. Einnig verður farið yfir þróun búsetu og skipulags hér á landi.

Nærliggjandi dæmi á Hvanneyri verða nýtt í tveimur stuttum vettvangsferðum þar sem  búsetuminjar og annað sem lesa má úr landinu um mannlíf og sögu náttúrunýtingar er skoðað.

Námskeiðið er 7 vikna langt og kennt í fjarkennslu en skyldumæting er í aðra af tveimur hálfsdags vettvangsferðum sem eru mánudaginn 4. september og þriðjudaginn 5. september. Vettvangsferðirnar eru í nágrenni Landbúnaðarháskólans á Hvanneyri. Stundaskrá er auglýst þegar nær dregur námskeiði.

Nemendur sem sækja þetta námskeið hjá Endurmenntun LBHÍ sækja sama námskeið og nemendur sem skráðir eru í BS nám í Náttúru – og umhverfisfræði við Landbúnaðarháskóla Íslands. Nemendur sem uppfylla öll skilyrði til próftöku gefst kostur á að fá vottað einingamat í lok námskeiðs.

Námskeiðið er á BS stigi og metið til 4 ECTS eininga. Stundaskrá og nánari upplýsingar má nálgast hér: 

UGLA – Kennsluskrá 2023-2024 > 01.10.02 MAÐUR OG NÁTTÚRA (lbhi.is)

Kennari: Ragnildur Helga Jónsdóttir lektor í náttúru- og umhverfisfræði hjá Landbúnaðarháskóla Íslands