Áfanginn er framhald áfangans Formfræði hönnunnar l.

Í gegnum verkefnavinnu er unnið með sköpun og túlkun á markvissan hátt til að dýpka skynjun og auka færni við greiningu og mat á sjónrænum viðfangsefnum landslagshönnunar. Áhrif birtu á rýmisskynjun  umhverfis könnuð  og rúmtak hluta rannsakað. Varpað er  ljósi á sjónræna þætti og myndmál landslags. Til að nálgast sjónrænu þættina er gerð grein fyrir og síðan unnið kerfisbundið eftir aðferðafræði Simon Bell.

Aðferðafræðin byggir á að greina sjónræna grunnþætti í landslagi, þ.e. punkt, línu, flöt og rúmtak. Þessir þættir geta síðan raðast saman og myndað ólíkt sjónrænt munstur

Ýmsar verklegar æfingar sem m.a. leggja áherslu á umhverfisskynjun og  hugmyndavinnu út frá náttúrulegum formum í  gegnum skissuvinnu, einföld módel og ljósmyndun. Mikil  áhersla er á að nota upplýsinga- og tækniumhverfið eins og kostur er.

Námskeiðið er 7 vikna langt og kennt í staðnámi hjá LBHÍ á Hvanneyri í Borgarfirði vorið 2024.  Stundaskrá er auglýst þegar nær dregur námskeiði.

Nemendur sem sækja þetta námskeið hjá Endurmenntun LBHÍ sækja sama námskeið og nemendur sem skráðir eru í meistaranám í Skipulagsfræði við Landbúnaðarháskóla Íslands. Nemendur sem uppfylla öll skilyrði til próftöku gefst kostur á að fá vottað einingamat í lok námskeiðs.

Námskeiðið er á BS stigi og metið til 4 ECTS eininga.

Kennari: Helena Guttormsdóttir lektor í landslagsarkitektúr hjá Landbúnaðarháskóla Íslands

Tími: 7 vikna námskeið á seinni stuttönn vorið 2024, kennsla er frá miðjum mars fram í byrjun maí. 

Staður: Kennt í staðnámi hjá Landbúnaðarháskóla Íslands á Hvanneyri í Borgarfirði

– Við vekjum athygli á að hægt er að um sækja styrk hjá stéttarfélögum fyrir námskeiði eða námi –

STUNDASKRÁ BIRT SÍÐAR