Námið er einkum ætlað þeim sem vilja öðlast réttindi til að gerast ábyrgðarmenn í markaðssetningu plöntuverndarvara og útrýmingarefna.

Fjallað verður um helstu plöntuverndarvörur og útrýmingarefna, notkun þeirra og varnir. Þá verður fjallað um vinnuvernd og viðbrögð við eitrunum bæði á menn og umhverfi og komið inn á hvernig hægt er að lágmarka áhættu við meðferð þeirra og fjallað um helsta varnarbúnað.

Námið er metið til 2 framhaldsskólaeininga (fein). 

Námsmat: Námsmatið fer fram rafrænt þriðjudaginn 19. nóvember og er prófið aðgengileg á kennsluvef skólans frá kl. 9 til miðnættis.

Prófið er með 20 fjölvalsspurningum (krossaspurningum) og gefnar 30 mínútur til að svara prófinu.

Um leið og þú opnar prófið  færðu 30 mínútur til að svara. Þú velur hvenær þú tekur prófið og hefur þannig fulla stjórn á því hvaða tíma dagsins hentar þér að taka prófin.

Vinsamlega athugaðu að próftími gefur lítið eða ekkert svigrúm til að leita svara í fyrirliggjandi námsefni og mikilvægt að mæta vel undirbúinn til prófs. Nokkuð er um það að nemendur þurfi að taka endurtektarpróf, og sýnir reynslan okkur að það er fyrst og fremst vegna lítils undirbúnings nemenda.

Námskröfur: Nemandi skal að lágmarki fá 7,0 í einkunn fyrir hvern matshluta. Mikilvægt er að hafa í huga að vera vel undirbúinn fyrir prófið þar sem námsefnið er yfirgripsmikið og ríkar kröfur gerðar til nemenda. Þeir sem standast próf fullnægja skilyrðum Umhverfisstofnunar til þess að sækja um leyfi sem ábyrgðarmaður í markaðssetningu  plöntuverndarvara og útrýmingarefna. Sækja þarf um réttindi til Umhverfisstofnunar að námi loknu, sjá nánar hér

Kennarar: Fjölmargir sérfræðingar kenna á námskeiðinu og eru þeir allir sérfræðingar á sínu sviði. Sjá nánar í stundaskrá sem send er á nemendur.

Kennsla: Námið er  í fjarkennslu og verða upptökur af fyrirlestrum aðgengilegar á kennsluvef skólans fram yfir prófdag. Námið telst vera 15 kennslustundir og verður dagskrá námsins raðað niður samkvæmt ákveðnu skipulagi á námsvefnum.

Kennsluvefur: Kennsluvefur skólans heitir Ugla. Kennsluskrifstofa Landbúnaðarháskóla Íslands veitir nemendum aðgang að kennsluvef skólans og er aðgangurinn opinn fram á prófdag. Við hvetjum nemendur til að kynna sér kennsluvefinn strax og hvernig námið er skipulagt, tímaröð fyrirlestra, lesefni og hagnýtar upplýsingar sem þar er að finna. Borið hefur á því að nemendur ætla sér að fara inn á kennsluvefinn rétt fyrir próf og hafa lent í vandræðum með innskráningu og hefur opnunartími kennsluskrifstofu áhrif á hversu fljótt nemendur komast inn á kennsluvefinn. Netfang kennsluskrifstofu er: kennsluskrifstofa@lbhi.is.

Einnig er hægt að hringja í síma 433 5000 og óska eftir sambandi við kennsluskrifstofu. Opnunartími kennsluskrifstofu er:
– Mánudaga til miðvikudaga: 8.00 – 16.00
– Fimmtudaga og föstudaga: 8.00 – 13.00

Skrifstofa Endurmenntunar LBHÍ: Hægt er að hafa samband við Áshildi Bragadóttur endurmenntunarstjóra með því að senda tölvupóst á netfangið ashildur@lbhi.is. Ef erindið er brýnt og þolir ekki bið er hægt að hringja í Áshildi í síma 782 1202.

Verð: 65.000 kr.

Hagnýtar upplýsingar: Við vekjum athygli á að flest stéttarfélög styrkja félagsmenn sína til að sækja námskeið eða nám.