Greiðsluskilmálar og greiðslukjör

Þátttakandi hefur samþykkt greiðslu á námskeiðsgjaldi við skráningu og telst kominn á skuldbindandi samningur milli aðila.

Athugið að námskeiðsgjald er innheimt að fullu ef skráður þátttakandi hættir við að sitja námskeið og ekki hefur verið tilkynnt um forföll með tölvupósti til Endurmenntunar LbhÍ á netfangið endurmenntun@lbhi.is að minnsta kosti 48 klukkustundum áður en námskeið hefst.

Námskeiðsgjöld eru að jafnaði innheimt áður en námskeið hefst. Við skráningu er hægt að greiða með greiðslukorti, óska eftir að fá senda kröfu í heimabanka eða ef þriðji aðili á að greiða, t.d. fyrirtæki, er hægt að óska eftir því að krafa verði sendur á viðkomandi fyrirtæki.

Heimilt er að senda annan þátttakanda í stað þess sem forfallast. Vinsamlegast látið vita um allar breytingar með eins góðum fyrirvara og unnt er.

Ef ekki næst nægur þátttakendafjöldi á námskeið áskilur Endurmenntun LbhÍ sér rétt til að fella niður eða fresta námskeiðum og mun jafnframt bakfæra námskeiðsgjaldið.