Almennar upplýsingar um námið

Hægt er að velja milli námskeiðs sem er bæði bóklegt og verklegt og er frá kl. 10 – 16 og námskeiðs sem er eingöngu verklegt og er frá kl. 13 – 16.

Verklegt og bóklegt námskeið í plægingum er ætlað þeim sem vinna við jarðrækt hverskonar og vilja bæta plægingartækni og læra að stilla saman plóg og dráttarvél. Leiðir til betri plægingar eru skoðaðar. Farið er yfir helstu stillingar og stærðir varðandi plóg og dráttarvél, einnig eru byrjanir og uppmælingar fyrir teigplægingu teknar fyrir. Dráttarvél og plógur og stillt saman og farið yfir allar helstu stillingar og atriði sem skipta máli í þessu sambandi. Kenndar eru uppmælingar á spildu og byrjanir með teigplóg. 

Verklegt plægingarnámskeið miðar að því að þátttakendur læra að stilla saman dráttarvél og plóg.  Farið yfir allar helstu stillingar og atriði sem skipta máli í þessu sambandi. 

Hámarksfjöldi þátttakenda er 12 og lágmarksfjöldi 8 manns.

Kennari: Haukur Þórðarson leiðbeinandi við Landbúnaðarháskóla Íslands

Tími: Miðvikudaginn 11. maí kl. 10 – 16

Staður: Hjá Landbúnaðarháskóla Íslands á Hvanneyri

Verð fyrir bóklegt og verklegt námskeið: 33.000 kr. (innifalið í verði er bókleg og verkleg kennsla, aðstoð við stillingar, hádegisverður og kaffi)

Verð fyrir verklegt námskeið: 22.000 kr. (innifalið í verði er verkleg kennsla, aðstoð við stillingar og kaffi)

Hagnýtar upplýsingar: Minnt er á Starfsmenntasjóð bænda sem vistaður er hjá Bændasamtökum Íslands (www.bondi.is)