Almennar upplýsingar um námið

Á námskeiðinu er farið yfir skrefin frá því að viðskiptahugmynd kviknar þar til vara er komin á markað. Fjallað er um uppbyggingu matvælamarkaðarins, þ.m.t. ólíkar söluleiðir og leiðir til að koma vöru í verslun eða beint til neytenda; þróunina á neytendamarkaði, þ.m.t. ólíka markhópa; hvað þurfi helst að hafa í huga í vöruþróun og áður en farið er af stað; þ.m.t. valkvæðar vottanir og upprunamerkingar og tækifærin sem felast í betri merkingum matvæla og áherslu á sjálfbærni; regluverkið, eftirlitsstofnanir og umhverfi smáframleiðandans, þ.m.t.hvað stendur smáframleiðendum til boða, t.d. tengt aðstöðu, stuðningi, ráðgjöf og styrkjum; hvernig sækja eigi um starfsleyfi; hlutverk og áherslumál hagsmunasamtaka smáframleiðenda; gerð viðskiptaáætlunar, stofnun fyrirtækis og ávinninginn af stefnumótandi áætlanagerð.

Að námskeiðinu loknu eiga nemendur að:

– Hafa skýra mynd af matvælamarkaðinum og þróuninni á neytendamarkaði
– Hafa góðan skilning á helstu hugtökum sem tengjast ferlinu
– Vera með skilningur á vöruþróunarferli og markaðsfærslu matvæla
– Kunna að stofna fyrirtæki og sækja um starfsleyfi
– Vita hvar hægt er að nálgast upplýsingar, fá aðstöðu, stuðning, ráðgjöf og styrki
– Geta sett upp einfalda viðskiptaáætlun og fjárfestakynningu
– Geta nýtt stefnumótandi áætlanagerð í sínum rekstri

Þeir nemendur sem sækja þetta námskeið hjá Endurmenntun LbhÍ sækja sama námskeið og þeir nemendur sem skráðir eru í nám við Landbúnaðarháskóla Íslands. Nemandi sem uppfyllir öll skilyrði til próftöku verður gefinn kostur á að fá vottað einingamat í lok námskeiðs. Námskeiðið er á framhaldsskóla stigi og má meta til 2 framhaldsskólaeininga.

Kennsla: Oddný Anna Björnsdóttir sjálfstæður ráðgjafi og framkvæmdastjóri Samtaka smáframleiðenda matvæla

Tími: 3. ágúst – 16. ágúst í fjarkennslu

Verð: 3.000 kr

Skoða má öll þau námskeið sem falla undir sumarúrræði stjórnvalda 2021 hér.