Á þessu hnitmiðaða námskeiði er fjallað um akstur um hálendi Íslands og hvað er mikilvægt að hafa í huga þegar lagt er af stað upp á hálendið. 

FJALLAÐ ER MEÐAL ANNARS UM

• Hvernig ferðast á um hálendið

• Vegi, slóða og náttúruperlur

• “Ökum slóðann” verkefnið.

• Jeppa, eiginleika þeirra og getu 

• Mismunandi aðstæður á vegum; grófum vegum, moldarslóðum, sandi, mýrum og sandbleytum

• Akstur yfir óbrúaðar ár og hvað ber að varast
• Aftanívagna; kerrur, tjaldvagn, fellihýsi og hjólhýsi – hvað þarf að huga að á grófum vegum og við óbrúaðaðar ár

• Hvað þarf að hafa í huga ef draga á annað farartæki 

• Íslenskar reglur ef tjón verður við drátt á farartæki

• Samantekt um það helsta sem þarf að hafa með sér í bílnum, hvort sem ferðast er á einum bíl eða í hóp  

Kennari á námskeiðinu mætir með búnað sem tengist verklegri umfjöllun á námskeiðinu, þar á meðal loftdælu, loftþrýstimæla, lykku til að nota við drátt og tappasett. 

FYRIR HVERJA
Námskeiðið hentar öllum sem eru að taka sín fyrstu skref í að ferðast um hálendi Íslands og vilja læra hvernig hægt er að tryggja best aksturslag og öryggi. 

KENNARI
Kennari á námskeiðinu er Aldís Ingimarsdóttir, formaður stjórnar Ferðaklúbbsins 4×4. Aldís hefur mikla reynslu af ferðalögum um hálendi Íslands og þekkir vel til alls þess umhverfis sem snýr að akstri um hálendið, hvort sem ur er að ræða praktísk atriði eða regluverk.

NÁMSKEIÐ Í BOÐI
Næsta námskeið verður haldið í júní 2027.

KENNSLUFYRIRKOMULAG
Um er að ræða námskeið sem haldið er hjá Landbúnaðarháskóla Íslands á Keldnaholti í Reykjavík, Árleyni 22 og í gegnum TEAMS. Fundartengill verður sendur á þátttakendur að morgni námskeiðsdags.

VERÐ
22.500 kr.

Umsókn er ekki staðfest nema gengið sé frá greiðslu í umsóknarferlinu með debet- eða kreditkorti.

– Við vekjum athygli á að flest stéttarfélög styrkja félagsmenn sína til að sækja nám og námskeið – 

Mikilvægar upplýsingar um greiðsluskilmála og greiðslukjör