Námskeiðið fjallar um evrópska þéttbýlisþróun. Í dag eru borgir búsetuumhverfi meirihluta íbúa heims. Þessi hnattræna þéttbýlismyndun eru afleiðingar langrar sögulegrar þróunar. Borgir sem varanleg byggð byrja að myndast strax á forsögulegum tíma, með vaxandi kyrrsetulífi og þróast áfram á fornöld. Borgarskipulagssagan leggur stund á rannsóknir um þetta efnislega og samfélagslega rannsóknarefni. Hún beinir athyglinni að byggðu umhverfi, hagfræði, stjórnmálafræði, félagsfræði og menningu sem tilheyrir borgunum. Hún greinir hvernig þessi svið vinna saman og skarast. Hún rannsakar hvernig borgir tengjast hver annarri og tengsl við aðrar mannabyggðir til sveita og í náttúrunni.

Áhersla verður lögð á þéttbýli og samfélögin sem mynda þau, frá fornöld til dagsins í dag. Á námskeiðinu verður útskýrt hvernig mannleg samfélög hafa stjórnað og mótað þéttbýlismyndun gegnum söguna og hvernig smátt og smátt vísindi um borgir og borgarskipulag urðu til.

Sérstök áhersla verður lögð á Ísland í tengslum við samtímann. Efni námskeiðsins felur í sér kynningu á þekkingfræði borgarskipulagssögu, tengsl rannsókna á því sviði og sagnfræðilegra rannsókna sem gerðar hafa verið í þeim greinum sem hafa þéttbýlismyndun að sínu meginrannsóknarefni (landfræðileg þéttbýlismyndun, borgarskipulag, arkítektúr), framlag borgarskipulagssögu innan borgarfræða, skilningur á helstu fyrirbærum samtímans, eins og hnattræn þéttbýlismyndun. Efni námskeiðsins byggir aðallega á sagnfræðilegum samantektum um evrópska þéttbýlissögu og skipulagssögu, svo og á þekkingarfræðilegum ritgerðum.

Þeir sem sækja þetta námskeið hjá Endurmenntun LbhÍ sækja sama námskeið og þeir nemendur sem skráðir eru í nám við Landbúnaðarháskóla Íslands. Nemandi sem uppfyllir öll skilyrði til próftöku verður gefinn kostur á að fá vottað einingamat í lok námskeiðs. Námskeiðið er á meistara stigi og má meta til 4 ECTS eininga.

Námskeiðið er að mestu í fjarkennslu og eru fyrirlestrar teknir upp og aðgengilegir á vefnum. Þrjár staðarlotur eru með mætingarskyldu, sjá nánar hér fyrir neðan.

Námskeiðið er kennt á ensku.

Kennsla: Dr. Astrid Lelarge skipulagfræðingur og lektor við LBHÍ

Tími: Fjarkennsla á Teams með þremur staðarlotum. Fjarkennslutímar eru teknir upp og aðgengilegir meðan á námskeiðinu stendur. Fjarkennslan er á föstudögum kl. 13 og lengd kennslu breytileg, 2-4 kennslustundir.

Staðarlotur:  Staðarlotur er haldnar hjá LBHÍ á Keldnaholti í Reykjavík, Árleynir 22 á eftirtöldum dagsetningum:
Miðvikudaginn 18. október (fyrsta kennslustund námskeiðs) kl. 9-12 – stofa 204
Miðvikudaginn 15. nóvember kl. 9-12 – stofa 204
Föstudaginn 17. nóvember kl. 13-16 – stofa 204

Verð: 54.000 kr

– Athygli er vakin á að flest stéttarfélög styrkja félagsmenn sína til að sækja nám og námskeið –