Almennar upplýsingar um námið

– Í samstarfi við Búnaðarsamtök Vesturlands –

Námskeiðið er sérstaklega ætlað sauðfjárbændum og þeim sem tengjast sauðfjárrækt en er einnig opið öðrum.

Farið verður yfir helstu atriði varðandi fóðrun sauðfjár á mismunandi tímabilum og aldursskeiðum. Sérstaklega verður horft á fóðrun gemlinga, bæði innifóðrun og beit, og farið yfir möguleg viðbrögð og fyrirbyggjandi aðgerðir vegna áhrifa breytilegs árferðis á heyskap og beit.

Horft verður á niðurstöður skýrsluhaldsins með tilliti til árangurs innifóðrunar, svo sem frjósemi og fallþunga. Stuðst verður jöfnum höndum við nýjustu rannsóknarniðurstöður og sígildan fróðleik.

Námskeiðið byrjar hjá Landsbúnaðarháskóla Íslands á Hvanneyri og eftir hádegishlé verður farið í fjárhús LbhÍ á Hesti í Borgarfirði þar sem fóðrun mismunandi hópa verður skoðuð og rædd.

Kennsla: Eyjólfur Kristinn Örnólfsson sérfræðingur hjá LbhÍ

Tími: Laugardaginn 9. apríl kl. 10 – 15

Staður: Hjá LbhÍ á Hvanneyri og á fjárbúinu Hesti í Borgarfirði

Verð: 29.000 kr. (Innifalið í verði eru kaffiveitingar og hádegisverður í mötuneyti skólans á Hvanneyri)

Minnt er á Starfsmenntasjóð bænda sem vistaður er hjá Bændasamtökum Íslands (www.bondi.is)