Almennar upplýsingar um námið

– Í samstarfi við Búnaðarsamband Eyjafjarðar –

Námskeiðið er sérstaklega ætlað sauðfjárbændum og þeim sem tengjast sauðfjárrækt en er einnig opið öðrum.

Farið verður yfir helstu atriði varðandi fóðrun sauðfjár á mismunandi tímabilum og aldursskeiðum. Sérstaklega verður horft á fóðrun gemlinga, bæði innifóðrun og beit, og farið yfir möguleg viðbrögð og fyrirbyggjandi aðgerðir vegna áhrifa breytilegs árferðis á heyskap og beit.

Horft verður á niðurstöður skýrsluhaldsins með tilliti til árangurs innifóðrunar, svo sem frjósemi og fallþunga. Stuðst verður jöfnum höndum við nýjustu rannsóknarniðurstöður og sígildan fróðleik.

Kennari: Eyjólfur Kristinn Örnólfsson sérfræðingur hjá LbhÍ

Tími: Þriðjudaginn 12. apríl kl. 13 – 17

Staður: Hjá Búnaðarsambandi Eyjafjarðar, Búgarði, Óseyri 2 Akureyri

Verð: 29.000 kr. (Innifalið í verði eru kennsla og kaffiveitingar)

Minnt er á Starfsmenntasjóð bænda sem vistaður er hjá Bændasamtökum Íslands (www.bondi.is)