– Skráningarfrestur til 6. maí –

Á þessu hnitmiðaða námskeiði er fjallað um það helsta sem hafa þarf í huga þegar komið er upp hænsnabúi í smáum stíl. Farið verður yfir undirbúning hænsnahalds, daglega umhirðu, aðbúnað, dýravelferð, reglugerðir og leyfi fyrir hænsnahaldi í þéttbýli. Einnig verður fjallað um ábyrgð ræktenda og hlutverk Eigenda- og ræktendafélags landnámshænsna (ERL), þar á meðal sögu félagsins, ræktunarmarkmið, vottun og sölu.

Námskeiðið hentar bæði þeim sem eru að stíga sín fyrstu skref í hænsnahaldi og þeim sem vilja dýpka þekkingu sína á landnámshænum, ræktun þeirra og velferð.

FJALLAÐ ER UM

• Hænurnar sjálfar og ungana, eggin, útungun og þroska fósturs
• Umhirðu eggja til útungunar og neyslu
• Undirstöðuatriði útungunar, búnað og vélakost 
• lKak, fyrstu daga ungans, fóðrun, umhirðu og kyngreiningu
• Hænsnavelferð, eftirlit með dýrunum, fóðrun og brynningu
• Húsakost og aðbúnað
• Umhirðu hænsna – daglega, vikulega og árstíðabundna
• Sjúkdóma og varnir
• Hvernig best má njóta samvista við hænsn og unga
• Hagnýt atriði um hænsnahald, meðal annars í þéttbýli
• Sögu landnámshænunnar, ábyrgð ræktandans og samfélag áhugafólks

Einnig verður boðið upp á fyrirspurnir og ráðgjöf.

FYRIR HVERJA
Námskeiðið hentar eigendur hænsna í borgum og bæjum, þeim  sem vilja hefja hænsnahald, starfsfólk sveitarfélaga, bændur og öðru áhugafólk um landnámshænur.

KENNARI
Kennari  á námskeiðinu er Jóhanna Harðardóttir . Hún var einn helsti hvatamaður að stofnun Eigenda- og ræktendafélags landnámshænsna (ERL) og hefur unnið ötult starf í þágu íslensku landnámshænunnar. 
Jóhanna átti meðal annars frumkvæði að af ritun og útgáfu blaðs um landnámshænuna sem kom fyrst út á fyrsta starfsári félagsins. Hún situr í stjórn ERL.

NÁMSKEIÐ Í BOÐI
Föstudagur 8. maí kl. 12-17.

KENNSLUFYRIRKOMULAG
Um er að ræða námskeið sem haldið er hjá Landbúnaðarháskóla Íslands á Keldnaholti í Reykjavík, Árleyni 22 og á TEAMS. Fundartengill verður sendur á þátttakendur að morgni föstudagsins 8. maí.

Vinsamlegast hakið við þegar sótt er um hvort þið komið á staðinn eða sækið námskeiðið á TEAMS.

VERÐ
35.000 kr.

Umsókn er ekki staðfest nema gengið sé frá greiðslu í umsóknarferlinu með debet- eða kreditkorti.

– Við vekjum athygli á að flest stéttarfélög styrkja félagsmenn sína til að sækja nám og námskeið – 

Skráning og nánari upplýsingar eru hér fyrir ofan.

Mikilvægar upplýsingar um greiðsluskilmála og greiðslukjör