Á námskeiðinu er byrjað á að fjalla um skaða vegna ólífrænna umhverfisþátta svo sem veðurs, með áherslu á frostskemmdir. Gefin verður innsýn í heim örvera og smádýra sem skaða plöntur, áhrifum skaðvaldanna á plönturnar og vörnum plantna gegn þeim verður einnig lýst.

Fjallað er um lífrænar varnir og gagnlegar örverur og smádýr og á síðari hluta námskeiðsins verða skaðar á einstökum tegundum og ættkvíslum teknir fyrir, m.a. sjúkdómar og meindýr á mikilvægum plöntutegundum og ættkvíslum hér á landi.

Skaðar í plöntuuppeldi eru ræddir og farið yfir lög og reglugerðir sem snerta plöntuheilbrigði. 

Við lok námskeiðsins eiga nemendur að hafa tileinkað sér víðtæka þekkingu og skilning á þeim umhverfisþáttum og lífverum sem hafa áhrif á plöntuheilbrigði, og þekkja orsakir og alla algenga skaða á helstu tegundum nytjaplantna sem vaxa hér á landi.

Námskeiðið er á BS stigi og metið til 4 ECTS eininga. Kennsla hefst miðvikudaginn 21. ágúst og lýkur miðvikudaginn 2. október. Stundaskrá má nálgast hér.

Verkefnavinna vegur 30% af lokaeinkunn og lokapróf 70%. Nemendur verða að mæta í tvær verklegar æfingar.

Nemendur sem sækja þetta námskeið hjá Endurmenntun LBHÍ sækja sama námskeið og nemendur sem skráðir eru í BS nám við Landbúnaðarháskóla Íslands.

Kennarar eru Brynja Hrafnkelsdóttir gestalektor hjá LBHÍ og umsjónarkennari námskeiðsins, Edda Sigurdís Oddsdóttir, Halldór Sverrisson og Þórhildur Ísberg.

Tími: Kennsla hefst mið. 21. ágú. og lýkur mið. 2. okt. skv. stundaskrá

Staður: Tvær staðarlotur með skyldumætingu og fjarkennsla á Teams

Verð: 44.000 kr. 

– Athygli er vakin á að flest stéttarfélög styrkja félagsmenn sína til að sækja námskeið á háskólastigi –