Á þessu hagnýta og fræðandi námskeiði fá nemendur innsýn í mikilvægi vandaðrar hófhirðu og járninga fyrir heilbrigði, velferð og endingu reiðhesta. Námskeiðið hentar vel byrjendum og þeim sem vilja styrkja þekkingu sína og færni á þessu sviði. Námskeiðið er bæði fræðileg kennsla og verkleg þjálfun þar sem þátttakendum er meðal annar skipt upp í minni hópa.

Nemendur eru beðnir um að mæta með járningaverkfæri sé þess nokkur kostur.

FJALLAÐ ER UM

• Daglega umhirðu hófa á reiðhrossum
• Sögu járninga og fyrstu skrefin
• Uppbyggingu neðri hluta fótar og hófs, helstu bein og sinar
• Starfsemi hófsins og mikilvægi reglulegrar hófhirðu.
• Áhrif fótstöðu á hreyfingar og ganglag hestsins
• Helstu járningaverkfæri og hvernig á að nota þau

Þátttakendur fá einnig undirstöðuþjálfun í járningu undir leiðsögn reynds járningameistara.

FYRIR HVERJA
Námskeiðið hentar vel fyrir hestafólk sem vilja geta sinnt hófhirðu sjálf eða skilja betur hvernig hún hefur áhrif á velferð hestsins, starfsfólk í hestamiðstöðvum og búrekstri sem vill bæta við sig hagnýtri þekkingu sem nýtist í daglegri umhirðu hrossa og allt áhugafólk um hesta sem vill skilja betur hvernig góð hófhirða og rétt járning getur haft áhrif á ganglag, heilsu og vellíðan hestsins. 

KENNARI
Sigurður Torfi Sigurðsson járningameistari og ráðunautur hjá Ráðgjafamiðstöð landbúnaðarins. Sigurður Torfi hefur kennt járningar um árabil hjá Landbúnaðarháskóla Íslands og Endurmenntunar Landbúnaðarháskóla Íslands.

NÁMSKEIÐ Í BOÐI
Helgina 22. – 23. nóvember kl. 10 – 16 hjá Landbúnaðarháskóla Íslands á Hvanneyri. Verklegi hlutinn fer fram í glæsilegri reiðhöll skólans á Mið-Fossum sem er í 5 mínútna akstursfjarlægð frá Hvanneyri.

KENNSLUFYRIRKOMULAG
Á laugardeginum er fræðileg kennsla á Hvanneyri fram yfir hádegi og í hádeginu snæða þátttakendur saman í mötuneyti háskólans. Eftir hádegi er verkleg sýnikennsla í reiðhöllinni á Mið-Fossum. Á sunnudeginum er nemendum skipt í 3 hópa, 5-6 í hverjum hóp. Hver hópur fær um tveggja og hálfs klukkustundar þjálfun í járningu og hófhirðu undir dyggri handleiðslu Sigurðar Torfa járningameistara.

Hámarksfjöldi er 16 manns.

VERÐ

41.500 kr. – Innifalið í verði er kennsla, léttur hádegismatur og kaffiveitingar báða kennsludaga

Umsókn er ekki staðfest nema gengið sé frá greiðslu í umsóknarferlinu með debet- eða kreditkorti. Við vekjum athygli á að flest stéttarfélög styrkja félagsmenn sína til að sækja nám og námskeið – 

Upplýsingar um greiðsluskilmála og greiðslukjör