Tvö námskeið í boði: Á Hvanneyri í Borgarfirði 2.-3. nóvember (fullt) og hjá Eldhestum í Ölfusi 23.-24. nóvember. 

Vönduð hófhirða og járning skipta miklu máli fyrir heilbrigði, velferð og endingu hesta. Á námskeiðinu er fjallað um líffærafræði neðri hluta fótar með áherslu á uppbyggingu hófsins, eðli hans og hirðingu. Farið er í gegnum mikilvægi réttrar hófhirðu við uppeldi hrossa og umhirðu stóð- og unghrossa, skeifur og verkfæri til járninga, auk þess sem þátttakendur fá undirstöðuþjálfun við járningar.

Þátttakendur læra meðal annars að:

– Þekkja uppbyggingu neðri hluta fótar og hófs og geta gert grein fyrir helstu beinum og sinum og
skilja virkni þeirra
– Skilja og geta gert grein fyrir eðli og starfsemi hófsins og hvers vegna almenn hófhirða er mikilvæg
– Skilja mikilvægi réttrar fótstöðu og geta útskýrt hófhirðu í samræmi við það
– Þekkja helstu járningaverkfæri og kunna að nota þau við járningar
– Skilja áhrif mismunandi fótstöðu og járninga á hreyfingar og ganglag

Um er að ræða tveggja daga námskeið í járningu og hófhirðu hrossa með Sigurði Torfa Sigurðssyni járningameistara.

Námskeiðið 2. og 3. nóvember (FULLT | hægt er að skrá á biðlista)

Námskeiðið er bæði bóklegt og verklegt og er haldið hjá Landbúnaðarháskóla Íslands á Hvanneyri
helgina 2. – 3. nóvember. Verklegi hlutinn fer fram í glæsilegri reiðhöll háskólans á Mið-Fossum sem er í 5 mínútna akstursfjarlægð frá Hvanneyri.

Á laugardeginum er fræðileg kennsla á Hvanneyri fram yfir hádegi og í hádeginu snæða þátttakendur saman í mötuneyti háskólans. Eftir hádegi er verkleg sýnikennsla í reiðhöllinni á Mið-Fossum. Á sunnudegi er nemendum skipt í 3 hópa, 4-5 í hverjum hóp. Hver hópur fær um tveggja og hálfs klukkustundar þjálfun í járningu og hófhirðu undir dyggri handleiðslu Sigurðar Torfa járningameistara.

Hámarksfjöldi er 16 manns.

Námskeiðið 23. og 24. nóvember

Námskeiðið er bæði bóklegt og verklegt og er haldið hjá Eldhestum í Ölfusi
helgina 23. – 24. nóvember. Verklegi hlutinn fer fram í reiðhöllinn og bókleg kennsla fer fram í fundarsal hjá Eldhestum.

Á laugardeginum er fræðileg kennsla í fundarsal Eldhesta fram yfir hádegi og í hádeginu snæða þátttakendur saman í á veitingastaðnum þeirra. Eftir hádegi er verkleg sýnikennsla í reiðhöllinni og á sunnudegi er nemendum skipt í 3 hópa, 4-5 í hverjum hóp. Hver hópur fær um tveggja og hálfs klukkustundar þjálfun í járningu og hófhirðu undir dyggri handleiðslu Sigurðar Torfa járningameistara.

Hámarksfjöldi er 16 manns.

– Mikilvægt er að þau sem eiga járningaverkfæri eða geta fengið verkfæri að láni taki þau með á námskeiðið –

Kennari: Sigurður Torfi Sigurðsson járningameistari og ráðunautur hjá RML.

Verð: 39.900 kr. Innifalið í verði er kennsla, léttur hádegismatur og kaffiveitingar. Gert er ráð fyrir að nemendur komi með járningaverkfæri. 

Staður og stund:

• Hjá LBHÍ á Hvanneyri og í reiðhöllinni á Mið-Fossum í Borgarfirði – lau. 2. nóv. og sun. 3. nóv
  kl. 10 – 16
• Hjá Eldhestum í Ölfusi – lau. 23. nóv. og sun. 24. nóv. kl. 10 – 16

– Við minnum á að hægt er að sækja um styrk frá stéttarfélögum til að sækja námskeið eða nám – 

Upplýsingar um greiðsluskilmála og greiðslukjör