Keppnisnám í Reiðmanninum er nám á vegum Endurmenntunar LBHÍ fyrir alla sem vilja öðlast aukna færni í að undirbúa bæði sjálfan sig og hestinn fyrir þátttöku í keppnum. Námið er einstaklingsmiðað og hentar jafnt þeim sem eru að stíga sín fyrstu skref í keppnisreiðmennsku sem og reynslumiklum keppendum sem vilja bæta árangur sinn í keppnum og þjálfa hestinn sinn í keppni.

Inntökuskilyrði

• • 18 ára aldurstakmark
  • Góð reynsla af hestamennsku
  • Ekki er skilyrði að hafa farið í gegnum nám í Reiðmanninum.
    Reynsla umsækjenda af hestamennsku/reiðmennsku er metin, fyrra námí reiðmennsku og hver hestakostur er.)

Markmið náms

Markmið námsins er að þátttakendur öðlist aukna færni í að undirbúa og þjálfa bæði sjálfan sig og hestinn fyrir þátttöku í keppnum og sýningum, sem og að öðlast færni í markvissri  markmiðasetningu við þjálfun keppnishesta með áherslu á þær æfingar sem hafa hvað mest nytsamlegt gildi fyrir keppnisþjálfun.

Áhersla er lögð á að geta riðið hestinum í réttri líkamsbeitingu með léttleikandi samband til afkasta. Jafnframt er lögð áhersla á líkamsbeitingu, orkustig, söfnun, fjaðurmagn og rými hestsins. Á námskeiðinu öðlast þátttakendur einnig færni í að skynja andlegt jafnvægi, samstarfsvilja og einbeitingu hestsins við mikið þjálfunarálag.

Námið er einstaklingsmiðað og er kennsla miðuð út frá markmiðum og getu hvers og eins.

Um námið

Námskeiðið er kennt á fjórum verklegum helgum og fjórum eftirmiðdögum á tímabilinu janúar – apríl. Kennsla fer fram í einstaklings- og paratímum, einkakennslu í reiðhöll og úti á hringvelli eða skeiðbraut. Á eftirmiðdögum er kennt frá ca. kl. 15-20 og á laugardögum og sunnudögum frá ca. kl. 8-18.

Fyrstu helgina í náminu er gerð ítarleg úttekt á knapa og hesti. Eftir fyrstu helgi setur knapinn upp markmið annarinnar fyrir sig og hest sinn í samráði við reiðkennara.

Síðasta helgin í náminu er haldin í glæsilegri hestamiðstöð LbhÍ á Mið-Fossum í Borgarfirði þar sem allir fjórir hóparnir koma saman og keppa á útivelli skólans. Á laugardeginum eru æfingar með reiðkennurum, pepp og fyrirlestur og á sunnudeginum er mót. 

Fyrirlestrar í boði

Í náminu er boðið upp á fyrirlestra á Teams með fremstu sérfræðingum á sínu sviði:

• • Fyrirlestur með íþróttadómara á vegum Hestadómarafélags Íslands (farið verður yfir löglegan búnað)
  • Fyrirlestur um fóðrun keppnishesta og hesta undir miklu álagi
  • Fyrirlestur með gæðingadómara á vegum Gæðingadómarafélags LH
  • Fyrirlestur með áherslu á  keppnisjárningar
  • Fyrirlestur um hugarfar og stemning á mótsdegi
    

Auk þess verður lesefni aðgengilegt á kennsluvefnum skólans um fóðrun, umhirðu og
undirbúning keppnishesta.

Námsmat og einingar

• • 6 einingar á framhaldsskólastigi (fein.)
  • Skilyrði að nemendur séu með 90% mætingu í verklega tíma
  • Nemendur verða að ljúka verkefnum til að fá námið metið til eininga

Verklegar helgar

Kennsla mun fara fram í einstaklings- og paratímum auk þess sem þátttakendur fá einkakennslu í reiðhöll og úti á hringvelli eða skeiðbraut. Í verklegum tímum er áhersla lögð á uppbyggingu og þjálfun knapa og hests fyrir keppni með einstaklingsmiðuðum áherslum. Farið verður í að setja upp prógramm sem hentar hverjum og einum, og er farið í yfirferðaþjálfun og skeiðþjálfun þar sem það á við.

Kostnaður og greiðslur

• • Heildarverð: 220.000 kr.
  • Staðfestingargjald: 100.000 kr. (óafturkræft) – dregst frá heildarverði
  • Eftirstöðvar: 120.000 kr. skipt  á tvo gjalddaga, 60.000 kr. 1. mars og 1. apríl

Athygli er vakin á því að flest stéttarfélög styrkja félagsmenn sína sem sækja nám og námskeið. Hægt er að óska eftir því að greiða námskeiðsgjaldið að fullu hvenær sem er.

Nemandi sem hefur hafið nám í keppnisreiðmennsku ber að greiða námskeiðsgjaldið að fullu. 

KEPPNISNÁM REIÐMANNSINS ER Í BOÐI Á EFTIRTÖLDUM STÖÐUM – VOR 2026:

• Hörður, Mosfellsbær – reiðkennari Ólafur Andri Guðmundsson:
  • Verklegar helgar:
    • 17. – 18. janúar
    • 21. – 22. febúar
    • 11. – 12. apríl
    • 25. – 26. apríl (Útskriftarhelgi á Mið-Fossum í Borgarfirði)
  • Virkir dagar (föstudagar):
    • 30. janúar
    • 6. febrúar
    • 20. mars
    • 17. apríl
• Sleipnir, Selfoss – reiðkennari Arnhildur Helgadóttir
  • Verklegar helgar:
    • 17. – 18. janúar
    • 28. feb. – 1. mars
    • 18. – 19. apríl
    • 25. – 26. apríl (Útskriftarhelgi á Mið-Fossum í Borgarfirði)
  • Virkir dagar:
    • 30. janúar
    • 6. febrúar
    • 27. febrúar
    • 25. mars
• Sóti, Álftanesi – reiðkennari Snorri Dal:
  • Verklegar helgar:
    • 17. – 18. janúar
    • 21. – 22. febúar
    • 11. – 12. apríl
    • 25. – 26. apríl (Útskriftarhelgi á Mið-Fossum í Borgarfirði)
  • Virkir dagar (föstudagar):
    • 30. janúar
    • 6. febrúar
    • 20. mars
    • 17. apríl
• Þytur, Hvammstanga – reiðkennari Þorsteinn Björnsson
  • Verklegar helgar:
    • 17.-18. janúar
    • 14. – 15. febrúar (óstaðfest)
    • 18. – 19. apríl
    • 25. – 26. apríl (Útskriftarhelgi á Mið-Fossum í Borgarfirði)
  • Virkir dagar:
    • 30. janúar
    • 6. febrúar
    • 20. mars
    • 16. apríl

Keppnisnámshópar fyrr og nú

Umsjónarmaður Reiðmannsins hjá Endurmenntun LBHÍ