– Tvö námskeið í boði  í samstarfi við búnaðarsambönd á viðkomandi svæði – 

Í ljósi tímans verður umræðan um aukna kornrækt hér á landi sífellt háværari og því ástæða til að skoða betur
hvaða tækifæri eru til staðar í kornrækt á Íslandi.

Námskeiðið hentar þeim sem vilja hefja kornrækt eða bæta við sig þekkingu á kornrækt og hafa reynslu af jarðvinnslu.

Um er að ræða bóklegt námskeið þar sem farið er yfir niðurstöður eldri og nýrri rannsókna í kornrækt á Íslandi. Fyrst og fremst verður fjallað um korntegundirnar bygg, hafra og hveiti en einnig olíurepju.

Einnig verða kynntar niðurstöður rannsókna varðandi sáðmagn, áburðarmagn og yrkjaval í öllum þessum korntegundum. Og möguleikar á verðmætasköpun til manneldis verða ræddar, m.a. matarolíu, haframjöl og mjöltun byggs.

Kennari: Hrannar Smári Hilmarsson tilraunastjóri í jarðrækt hjá LBHÍ

Tími: Lau. 19. nóvember kl. 10 – 14 hjá LBHÍ á Hvanneyri í Borgarfirði – FULLT
og mið. 23. nóvember kl. 13.30 – 17.30 á Búgarði í Eyjafirði

Verð: 24.900 kr.  boðið verður upp á kaffi og meðlæti, en hádegismatur er ekki í boði

Athygli er vakin á að flest stéttarfélög styrkja félagsmenn sína
til að sækja nám og námskeið