– Í samstarfi við Iðuna fræðslusetur – 

Á þessu hagnýta námskeiði fá þátttakendur innsýn í heim ostagerðar og læra að nýta mjólkurafurðir á fjölbreyttan hátt og búa til eigin afurðir.  Námskeiðið er bæði bóklegt og verklegt og hentar jafnt byrjendum sem þeim sem vilja dýpka skilning sinn á gerjun, framleiðslu og heimagerð matvæla.

Undanfarin ár hefur orðið mikil vakning í heimagerð osta víða um heim. Nýir straumar leggja áherslu á náttúrulega gerla, minni viðbótarefni og staðbundið hráefni. Á námskeiðinu fá þátttakendur innsýn í hvernig þessar áherslur geta eflt gæði og einstakt bragð heimagerðra mjólkurafurða – og hvernig þær má yfirfæra á íslenskar aðstæður.

Á NÁMSKEIÐINU VERÐUR M.A. FJALLAÐ UM

– Þróun og fjölbreytileika mjólkur og mjólkurafurða
– Grunnatriði mjólkurvinnslu og helstu hugtök í mjólkurfræði
– Hlutverk gerla og hvata
– Efnasamsetningu mjólkur við framleiðslu
– Einfaldar og öruggar aðferðir við heimagerð osta og jógúrtframleiðslu
– Tæki, tól og aðstöðu sem nýtist við heimavinnslu mjólkurafurða
– Hvað ber að forðast og hvað skal kalla fram í ferlinu

Þátttakendur fá tækifæri til að framleiða nokkrar tegundir mjólkurvara sem næst að fullgera á einum degi, s.s. jógúrt og mozzarella ost, og fá að lokum með sér heimaverkefni.

Allir þátttakendur fá bókina Ostagerð, heimavinnsla mjólkurafurða eftir Þórarinn Egil Sveinsson að gjöf á námskeiðinu.

KENNARI
Þórarinn Egill Sveinsson er mjólkurverkfræðingur. Hann hefur haft mikinn áhuga á að miðla til almennings hvernig hægt er að nýta mjólkurafurðir til ostagerðar og haldið fjölmörg námskeið víða um landið.

NÁMSKEIÐ Í BOÐI
Laugardaginn 21. febrúar kl. 10 – 16 er námskeið sem er opið öllum, sjá skráningarhnapp hér fyrir ofan.
Laugardaginn 28. febrúar kl. 10 – 16 er lokað námskeið fyrir starfsfólk í matreiðslu- og veitingageiranum, í samstarfi við Iðuna fræðslusetur

STAÐUR
Í veitingaeldhús Menntaskólans í Kópavogi, sjá leiðarvísi hér.

Verð: 39.000 kr. – innifalið í verði er kennsla, hráefni til osta- og jógúrtgerðar, kaffi og ostakynning í hádegishléi og bókin hans Þórarins.

Athygli er vakin á að flest stéttarfélög styrkja félagsmenn sína
til að sækja nám og námskeið

Upplýsingar um greiðslufyrirkomulag og skilmála