Verð fyrir fullt nám í Reiðmanninum II í tvær annir er 415.000 kr. sem samsvarar tæpum 22 þúsund kr. á hverja framhaldsskólaeiningu í náminu. Námið er samtals 19 framhaldsskólaeiningar (fein).

Þegar nemandi hefur samþykkt inngöngu í námið greiðist staðfestingargjald að fjárhæð 115.000 kr. sem er óafturkræft. Staðfestingargjaldið er með eindaga 2. júlí 2026 og dregst frá heildarverði námskeiðsins.

Eftirstöðvum er skipt niður á þrjá gjalddaga: 1. nóv., 1. feb. og 1. apr. Hver greiðsla er 100.000 kr.

Hægt er að staðgreiða námskeiðsgjaldið í upphafi náms. Athygli er vakin á því að flest stéttarfélög styrkja félagsmenn sína sem sækja nám og námskeið og í flestum tilvikum þarf að greiða námskeiðsgjaldið að fullu til að fá fullnaðar endurgreiðslu.

Nemandi sem hefur þegið pláss í Reiðmanninum og greitt staðfestingargjald ber að greiða námskeiðsgjaldið að fullu.

ÁRÍÐANDI

Um leið og nemandi hefur þegið pláss og verið samþykktur inn í námið skuldbindur nemandinn sig til að borga fullt námskeiðsgjaldið óháð því hvort að nemandi þurfi að hætta í náminu eða ákveði að hætta fyrir námslok. Það er því ekki hægt að fá námskeiðsgjald fellt niður þótt nemandi hætti námi áður en námstíma lýkur.

Innifalið í námsskeiðsgjaldinu er kennsla reyndra reiðkennara og sérfræðinga, aðgangur að náminu, fræðsludagur sem fram fer í byrjun nóvember, bóklegt fjarnám, reiðtímar, sýnikennslur og fyrirlestrar. Aðgangur að reiðhöll og aðstöðu henni tengdri á vinnuhelgum.

Hesthúspláss, fóður og undirburður í stíur eru ekki innifalin í verðinu og nemendur sem koma annarsstaðar að á námsstað útvega sér hesthúspláss sjálfir sé þess óskað. Dvalar- og fæðiskostnaður nemenda og hluti námsgagna er ekki innifalinn í verði.

Óski nemandi eftir aukatímum vegna verklegrar þjálfunar umfram tíma í námstöflu þarf viðkomandi að semja sérstaklega við viðkomandi kennara.

Sæki nemandi um að fá að taka endurtökupróf fyrir verklega hlutann er greitt sérstaklega fyrir það 15.000 kr.

Námskeiðsröðin, Reiðmaðurinn, er byggð upp á svipaðan hátt og önnur námskeið á vegum Endurmenntunar LbhÍ, með markvissum verklegum tímum en við bætist bóklegur hluti í gegnum fjarnámsvef skólans, Uglu.

Samskipti nemenda og skóla eru í megindráttum í gegnum netið. Því er mikilvægt að allir séu vel kunnugir slíkum samskiptum.

Verklegir námshlutar í hverjum hluta grunnnáms reiðmannsins eru kenndir á námskeiðum, átta helgar frá september fram í apríl, (fjórar vinnuhelgar á hvorri önn).

Innan verklega hlutans er fyrst og fremst vinna með eigin hest. Unnið er að jafnaði frá 14:00-18:00 á föstudögum og frá 8:00-17:00 laugardögum og sunnudögum en tíminn getur verið breytilegur eftir aðstæðum. Mismunandi er hvort unnið er í hópum eða lagt upp með einstaklingstíma, allt eftir viðfangsefninu.

Lögð er mikil áhersla á að samnemendur fylgist með og læri af hver öðrum og jafnframt er mikil áhersla lögð á markvissa heimavinnu milli námskeiðshelga.

Mat er lagt á vinnu og framfarir nemandans yfir námstímann.

Bóklegi hlutinn er kenndur í fjarnámsformi þar sem námsefnið er aðgengilegt á fjarnámsvef skólans og fyrirlestrar og/eða sýnikennslur fara fram á vefnum með reglulegu millibili yfir námstímann.

Nýtt fyrir Reiðmannsnámið haustið 2025 er aðgangur nemenda að sérvöldum myndböndum í eigu Guðmars Þórs Péturssonar en Guðmar Þór er flestum sem stunda hestaíþróttir kunnugur enda er hann reyndur reiðkennari og knapi með yfir 25 ára reynslu í reiðmennsku og þjálfun. Myndböndin eru valin úr stærra safni Guðmars Þórs en þar er hægt að finna fjölbreytt úrval kennsluefnis, reiðtíma, fyrirlestra og sýnikennslur.

Ef nauðsynlegt þykir að færa til verklegar helgar, s.s. vegna veðurs eða annarra óviðráðanlegra orsaka, áskilur Endurmenntun LbhÍ sér rétt til þess að gera það, í samráð við verklegan kennara.

Nánara skipulag námsins er kynnt við upphaf hvers áfanga.

Sótt er um námið á rafrænan hátt í gegnum heimasíðu Lbhí (sækja um). Óskað er sérstaklega eftir því að umsækjendur tilgreini reynslu sína af hrossum, þátttöku í hrossatengdum námskeiðum og komi aðeins inn á hrossaeignina í athugasemdadálki í umsóknarferlinu.

Umsóknafrestur er til og með 5. júní 2026. Mikilvægt er að hafa í huga að ekki er tekið við umsóknum eftir að umsóknarfrestur er liðinn.

Farið verður farið yfir umsóknirnar að umsóknarfresti loknum og ef þátttakandur uppfylla skilyrði og næg þátttaka er á hverjum stað (12 knapar) fá nemendur staðfestingu á netfang sem fylgdi umsókninni.  Skilyrði er að þátttakendur hafi góðan aðgang að hrossum og þeir sem hafa mikla reynslu af hestamennsku ganga fyrir.

Við mat á umsóknum er tekið tillit til þess hversu langt er síðan umsækjendur luku námi í Reiðmanninum I. Með því er leitast við að tryggja að nemendur frá fyrra ári geti notið samfellu í námi. Einnig er tekið tillit til aldursdreifingar og kynjahlutfalls, miðað við umsóknir sem berast.

Um leið og umsækjandi hefur þegið pláss í Reiðmanninum I telst vera kominn á skuldbindandi samningur og ber umsæjanda að greiða staðfestingargjald 115.000 kr. sem er óafturkræft.

Nánari upplýsingar um námið veitir Birna Tryggvadóttir Thorlacius verkefnisstjóri Reiðmannsins í síma 699 6116 eða með tölvupósti á netfangið birnat@lbhi.is.

Bóklegt. Námsefni bóklega hluta reiðmannsins í hverjum áfanga fyrir sig er aðgengilegt á fjarnámsvef skólans Canvas.

Bóklega efnið fylgir í megindráttum verklega hluta námsins en að auki er farið á breiðum grunni í ýmist efni tengt hestahaldi, fóðrun og hirðingu, kynbótum, heilsufræði og fleira.

Á hverri önn fyrir sig er nemendum sett fyrir tvö verkefni úr námsefni annarinnar. Verkefnin eru sett inn á kennsluvefinn og hafa nemendur fyrirfram ákveðinn tíma til að leysa verkefnin og skila inn á kennslusíðu áfangans.

Á haustmisseri (oftast í nóvember) er haldinn svo kallaður fræðsludagur í Menntaskólanum í Borgarnesi og reiðhöllinni á Mið-Fossum. Fræðsludagurinn byrjar kl. 9 og er til kl. 17. Á fræðsludeginum er fremstu sérfræðingar fengnir til að halda erindi á sínu fræðasviði auk þess sem haldin er sýnikennsla í reiðhöllinni á Mið-Fossum. Dagskrá fræðsludagsins er kynnt í byrjun haustannar.

Á vormisseri er bókleg fræðsla á Teams auk þess sem haldin er sýnikennsla í reiðhöllinni á Mið-Fossum sem nemendur geta einnig fylgst með í streymi. 

Einkunn bóklega hluta hverrar annar samanstendur af meðaleinkunn þessara tveggja verkefna.

Verklegt. Stöðumat fer fram einu sinni á önn. Fyrirkomulag námsmatsins er breytilegt eftir viðfangsefnum hverrar annar. Í lok hverrar annar er samræmt námsmat og staðlað verkefni.

Útskriftarhelgi Reiðmannsins

Útskriftarhelgi Reiðmannsins er haldinn í reiðhöll LbhÍ Mið-Fossum í Borgarfirði um mánaðarmótin apríl/maí hvert. 

Að nemendur hafi lokið Reiðmaninnum I frá Endurmenntun LBHÍ.

Auk þess þurfa nemendur  að hafa áhuga á hestamennsku og eiga eða hafa góðan aðgang að hestum sem henta í námið.

Nemendur þurfa að hafa náð 18 ára aldri.

Gert er ráð fyrir að nemendur hafi nokkra þjálfun í tölvunotkun og séu m.a. kunnugir ritvinnslu- og töflureikniforritum og vanir að nota tölvupóst og vafra.

Nám í Reiðmanninum I og haldbær reynsla í reiðmennsku, og hestahaldi er krafa og frekari reynsla af iðkun hestamennsku, þjálfun og keppni í er kostur.

Til að taka þátt í náminu verður nemandinn að hafa aðgang að tölvu með tengingu við Internetið. Nemandi þarf að hafa aðgang að ritvinnsluforriti og töflureikniforriti eins og t.a.m. word og excel. Þá er nauðsynlegt fyrir nemanda að hafa virkt netfang og gott að hafa aðgang að Facebook.

• Viðurkenndur reiðhjálmur
• Reiðskór eða reiðstígvél
• Hnakkur með viðurkennd ístöð
• Beisli m/hringamél, stangamél
• Reiðmúlar enskur og þýskur
• Reiðtaumar
• Snúrumúll og kaðall
• Taumhringsgjörð og taumar
• Pískur og hringtaumskeyri
• Hafa aðganga að helstu járningarverkfærum og tamningaaðstöðu, s.s. hringgerði eða öðru afmörkuðu rými til þjálfunar.
• Geta útvegað viðeigandi skeifur og hófhlífar.

Áhersla er lögð á að nemandi komi með öruggan, spennulausan og vel þjálfaðan hest með hreinar grunngangtegundir og tölt.

Æskilegt er að viðkomandi hafi sama hestinn allt námið og stundi markvisst heimanám á milli verklegra helga, þ.e. hafi hann á húsi allan námstímann. Æskilegt getur verið að hafa annan hest á húsi og þjálfa samhliða til að nýta enn betur þá þekkingu og reynslu sem viðkomandi fær í gegnum námið.

Nemendur sjá sjálfir um allar tryggingar. Krafa er gerð um að allir nemendur séu tryggðir en hver og einn velur hvort viðkomandi hross sé tryggt. LbhÍ og viðkomandi staðahaldari ber ekki ábyrgð á hrossum nemenda.

Vandræði vegna notendanafna eða lykilorða

Biðja má um í gegnum netfangið: nemskra@lbhi.is

Innskráning inn á kerfi LBHÍ

• • Dreyri á Akranesi: Inga María S. Jónínudóttir reiðkennari
    Verklegar helgar:
    • 10. – 12. okt.
    • 31. okt – 2. nóv.
    • 21. – 23. nóv.
    • 12. – 14. des.
    • 23. – 25. jan.
    • 20. – 22. feb.
    • 6. – 8. mar.
    • 27. – 29. mar.
    • 25. – 26. apríl (Útskriftarhelgi á Mið-Fossum í Borgarfirði)
  • Léttir á Akureyri: Erlingur Ingvarsson reiðkennari
    Verklegar helgar:
    • 10. – 12. okt.
    • 7. – 9. nóv.
    • 21. – 23. nóv.
    • 12. – 14. des.
    • 16. – 18. jan.
    • 6. – 8. feb.
    • 6. – 8. mar.
    • 27. – 29. mar.
    • 25. – 26. apríl (Útskriftarhelgi á Mið-Fossum í Borgarfirði)
  • Geysir á Hellu: Ásta Björnsdóttir reiðkennari
    Verklegar helgar:
    • 3. – 5. okt.
    • 31. okt – 2. nóv.
    • 21. – 23. nóv.
    • 12. – 14. des.
    • 16. – 18. jan.
    • 13. – 15. feb.
    • 13. – 15. mar.
    • 10. – 12. apr.
    • 25. – 26. apríl (Útskriftarhelgi á Mið-Fossum í Borgarfirði)
  • Sprettur í Kópavogi: Hanna Rún Ingibergsdóttir reiðkennari
    Verklegar helgar:
    • 3. – 5. okt.
    • 31. okt – 2. nóv.
    • 21. – 23. nóv.
    • 12. – 14. des.
    • 9. – 11. jan.
    • 20. – 22. feb.
    • 6. – 8. mar.
    • 17. – 19. apr.
    • 25. – 26. apríl (Útskriftarhelgi á Mið-Fossum í Borgarfirði)
  • Skagfirðingur í Skagafirði: Finnbogi Bjarnason reiðkennari
    Verklegar helgar:
    • 3. – 5. okt.
    • 17. – 19. okt.
    • 14. – 16. nóv.
    • 5. – 7. des.
    • 16. – 18. jan.
    • 6. – 8. feb.
    • 6. – 8. mar.
    • 27. – 29. mar.
    • 25. – 26. apríl (Útskriftarhelgi á Mið-Fossum í Borgarfirði)

Fræðsludagur Reiðmannsins fór fram laugardaginn 8. nóvember.

• Egilsstaðir – Hestamannafélagið Freyfaxi – reiðkennari Haukur Bjarnason
• Hestamiðstöð LbhÍ, Mið-Fossar – reiðkennari Bjarki Þór Gunnarsson
• Hvammstangi – Hestamannafélagið Þytur – reiðkennari Þorsteinn Björnsson
• Kópavogur – Hestamannafélagið Sprettur – reiðkennari Henna Johanna Sirén
• Mosfellsbær – Hestamannafélagið Hörður – reiðkennari Steinar Sigurbjörnsson
• Selfoss – Hestamannafélagið Sleipnir – reiðkennari Árný Oddbjörg Oddsdóttir

• Kópavogur – Hestamannafélagið Sprettur – reiðkennari Hjörvar Ágústsson
  
• Selfoss  – Hestamannafélagið Sleipnir – reiðkennari Hanna Rún Ingibergsdóttir
• Akureyri – Hestamannafélagið Léttir – reiðkennari Erlingur Ingvarsson

• Kópavogur – Hestamannafélagið Sprettur – reiðkennari er Hekla Katharína Kristinsdóttir
• Hafnarfjörður – Hestamannafélagið Sörli – reiðkennari er Ásta Björnsdóttir
• Flúðir hópur 1 – Reiðhöllin á Flúðum – reiðkennari er Þórarinn Ragnarsson
• Flúðir hópur 2 – Reiðhöllin á Flúðum – reiðkennari er Ragnhildur Haraldsdóttir
• Akureyri – Hestamannafélagið Léttir – reiðkennari er Reynir Atli Jónsson

• Kópavogur – Hestamannafélagið Sprettur – reiðkennari er Hanna Rún Ingibergsdóttir
• Mosfellsbær – Hestamannafélagið Hörður – reiðkennari á fyrsta ár var Ísleifur Jónasson og á seinna ári er reiðkennari Haukur Bjarnason
• Hella – Hestamannafélagið Geysir – reiðkennari á fyrsta ári var Sigvaldi Lárus Guðmundsson og á seinna ári er reiðkennari Ísleifur Jónasson

• Kópavogur 1 – Hestamannafélagið Sprettur – reiðkennari var Hekla Katharina Kristinsdóttir
• Kópavogur 2 – Hestamannafélagið Sprettur – reiðkennari var Atli Guðmundsson
• Hafnarfjörður – Hestamannafélagið Sörli – reiðkennari var Hinrik Þór Sigurðarson
• Selfoss – Hestamannafélagið Sleipnir – reiðkennari var Trausti Þór Guðmundsson

• Borgarnes 1 – Faxaborg Borgarnesi – reiðkennari var Ísleifur Jónasson
• Borgarnes 2 – Faxaborg Borgarnesi – reiðkennari var Ólafur Andri Guðmundsson
• Mosfellsbær – Hestamannafélagið Hörður – reiðkennari var Hinrik Þór Sigurðsson
• Krókur í Ásahreppi – reiðkannari var Reynir Örn Pálmason

• Kópavogur – Hestamannafélagið Sprettur – reiðkennari var Hinrik Þór Sigurðsson
• Selfoss – Hestamannafélagið Sleipnir – reiðkannari var Sigvaldi Lárus Guðmundsson

• Hafnarfjörður – Hestamannafélagið Sörli – reiðkennari var Halldór Guðjónsson á fyrra ári og á seinna ári var reiðkennari Þórdís Anna Gylfadóttir
• Flúðir – Hestamannafélagið Smári – reiðkennari var Ísleifur Jónasson
• Krókur í Ásahreppi – reiðkennari var Reynir Örn Pálmason

• Kópavogur – Hestamannafélagið Sprettur – reiðkennari var Heimir Gunnarsson
• Selfoss – Hestamannafélagið Sleipnir – reiðkennari var Þórdís Erla Gunnarsdóttir

• Reykjavík, Víðidalur – Hestamannafélagið Fákur – reiðkennari var Anna Valdimarsdóttir á fyrra ári og á seinna ári var reiðkennari Heimir Gunnarsson
• Mosfellsbær – Hestamannafélagið Hörður – reiðkennari var Halldór Guðjónsson

• Reykjavík, Víðidalur – Hestamannafélagið Fákur – reiðkennari var Halldór Guðjónsson
• Flúðir – Hestamannafélagið Smári – reiðkennari var Reynir Örn Pálmason
• Selfoss – Hestamannafélagið Sleipnir – reiðkennari var Þórdís Erla Gunnarsdóttir
• Miðfossar – reiðkennari var Heimir Gunnarsson
• Akureyri – Hestamannafélagið Léttir – reiðkennari var Erlingur Ingvason

• Reykjavík, Víðidalur – Hestamannafélagið Fákur – reiðkennari var Anna Sigríður Valdimarsdóttir
• Hella – Hestamannafélagið Geysir – reiðkennari var Reynir Örn Pálmason

• Hafnarfjörður – Hestamannafélagið Sörli – reiðkennari var Halldór Guðjónsson
• Flúðir – Hestamannafélagið Smári – reiðkennari var Ísleifur Jónasson
• Borgarnes – reiðkennari var Heimir Gunnarsson
• Akureyri – Hestamannafélagið Léttir – reiðkennari var Erlingur Ingvason
• Egilsstaðir, Iðavellir – Hestamannafélagið Freyfaxi – reiðkennari var Reynir Örn Pálmason

• Dalland, Mosfellsbæ – reiðkennari var Halldór Guðjónsson
• Hella – Hestamannafélagið Geysir – reiðkennari var Ísleifur Jónasson

• Miðfossar, Borgarfirði – hópur 1 – reiðkennari var Reynir Aðalsteinsson
• Miðfossar, Borgarfirði – hópur 2 – reiðkennari var Reynir Aðalsteinsson
• Miðfossar, Borgarfirði – hópur 3 – reiðkennari var Reynir Aðalsteinsson
• Miðfossar, Borgarfirði – hópur 4 – reiðkennari var Reynir Aðalsteinsson