Fagleg samskipti eru lykilatriði í umhverfis- og auðlindamálum og í dag er oftar en ekki gerð rík krafa um samráð við hagsmunaaðila. Markviss og vel útfærð samskipti eru forsenda þess að ná farsælum og sjálfbærum lausnum á meðan ófagleg samskipti eða hreinlega skortur á samskiptum, geta haft þveröfug áhrif.

Um er að ræða tveggja daga námskeið sem veitir grunnþekkingu og færni í að höndla mannleg samskipti í tengslum við umhverfismál og auðlindanýtingu, hvort sem þau snúast um að vekja áhuga, auka skilning, efla samráð eða taka á ágreiningsmálum.

Á námskeiðinu efla þátttakendur færni sína og getu til að meta forsendur fyrir samskipti hverju sinni og læra að taka á erfiðum aðstæðum með lýðræðislegum aðferðum.

FJALLAÐ ER UM

• Áhrif samskipta á þróun og lausnir í umhverfis- og auðlindamálum
• Samráð við hagsmunaaðila og hvernig á að byggja upp traust og samvinnu
• Aðferðir til að takast á við ágreining og erfiðar aðstæður
• Áhrifaríka miðlun upplýsinga og hvernig gera má flókin mál aðgengilegri
• Greiningu á mismunandi sjónarmiðum og forsendum samskipta
• Lýðræðislega nálgun í samskiptum og ákvarðanatöku
• Raunveruleg dæmi úr íslensku samfélagi

FYRIR HVERJA
Námskeiðið hentar öllum sem starfa við umhverfis-, orku- og auðlindamál og þurfa að eiga í samskiptum við almenning, samstarfsaðila eða hagsmunaaðila, t.d. í fiskeldi, skipulagsmálum, orkumálum, náttúruvernd og landgræðslu. 

KENNARI
Brita Berglund, umhverfissamskiptafræðingur og verkefnastjóri hjá Landgræðsluskóla GRÓ. Brita hefur kennt umhverfissamskipti við Landbúnaðarháskóla Íslands um árabil.

TÍMASETNING
Fimmtudagurinn 2. október og föstudagurinn 3. október kl. 9-16 báða daga.

KENNSLUFYRIRKOMULAG
Tveggja daga námskeið sem er haldið hjá Landbúnaðarháskóla Íslands, Árleyni 22 á Keldnaholti, 112 Reykjavík. Kennsla fer fram á íslensku og námsefnið er á ensku. Hámarksfjöldi þátttakenda er 20.

VERÐ
Kr. 59.900. – Innifalið í verði eru námsgögn, kaffi og hádegismatur.

Umsókn er ekki staðfest nema gengið sé frá greiðslu í umsóknarferlinu með debet- eða kreditkorti. Við vekjum athygli á að flest stéttarfélög styrkja félagsmenn sína til að sækja nám og námskeið

Mikilvægar upplýsingar um greiðsluskilmála og greiðslukjör