–  Haldið í samstarfi við búnaðarsambönd víða um land  –

Haldin verða 2 sauðfjársæðingarnámskeið í lok nóvember.
Fyrra námskeiðið er samstarfi við Búnaðarsamtök Vesturlands er sauðfjársæðingarnámskeið hjá Landbúnaðarháskóla Íslands á Hvanneyri og sauðfjárbúi skólans á Hesti miðvikudaginn 29. nóvember kl. 13-17.
Seinna námskeiðið er í samstarfi við Búnaðarsamband Suðurlands á
Stóra-Ármóti við Selfoss fimmtudaginn 30. nóvember kl. 13-17.

Sauðfjársæðingarnámskeiðin eru námskeið fyrir sauðfjárbændur og alla sem hafa áhuga á að starfa eða starfa nú þegar við sauðfjársæðingar.

Fjallað er örstutt um sögu sauðfjársæðinga. Æxlunarfærum sauðkinda er lýst og greint er frá helstu atriðum varðandi æxlunarlíffræði þeirra. Fjallað er um sæðingar, hvernig best er að standa að þeim, hvenær rétti sæðingatíminn er og í hverju samstilling gangmála er fólgin.

Kennd er meðferð sæðis og verklag við sæðingar er kennt í fjárhúsi. Einnig er rætt um smitvarnir.

Ætlast er til þess að nemendur geti sætt ær og sagt til um það hvernig bestum árangri verður náð.

Þorsteinn Ólafsson dýralæknir er kennari á námskeiðinu og hefur hann áralanga reynslu af því að kenna sauðfjársæðingar í gegnum Endurmenntun LBHÍ.

Hvenær: Hjá LBHÍ á Hvanneyri í Borgarfirði miðvikudaginn 29. nóvember kl. 13-17
Á Stóra-Ármóti við Selfoss á Suðurlandi fimmtudaginn 30. nóvember kl. 13-17

Verð: 33.000 kr. –  innifalið í verði er verkleg og bókleg kennsla og kaffiveitingar. Námskeiðsgögn fylgja.