Á námskeiðinu er fjallað um faggreinina skipulagsfræði og helstu kenningar hennar. Gerð er grein fyrir hugmyndafræði, skilgreiningum og hugsanakerfi í skipulagsfræði.

Saga og þróun ráðandi hugmynda og samspil þeirra við breytingar á stjórnkerfi, félagslegum, hagrænum og umhverfislegum ástæðum eru til umfjöllunar, og hvernig stjórnkerfi, samfélagslegur bakgrunnur og gildismat verkar á skipulagskenningar.

Einnig er fjallað um hverjir eru helstu áhrifavaldar og hagsmunahópar sem ráða ferðinni og hvaða áhrif skipulagsfræðin hafa á umhverfi okkar og á hvaða hátt, bæði alþjóðlega og í tengslum við íslenskt samfélag.

Íslensk skipulagssaga er jafnframt rakin í stórum dráttum á gagnrýninn hátt.

Verkefnavinna vegur 60% af lokaeinkunn og lokapróf 40% sem er heimapróf. 

Skyldumæting er í 3 málstofur en að öðru leyti er hægt að taka þátt í fyrirlestrum á Teams.

Námskeiðið er kennt á seinni stuttönn sem hefst seinnipart októbermánaðar og lýkur um mánaðarmótin nóvember/desember. Stundaskrá námskeiðs verður kynnt þegar nær dregur.

Námskeiðið er á seinni haustönn og er fyrsti kennsludagur fös. 25. okt. kl. 13-16 og síðasti kennsludagur fös. 29. nóv. kl. 13-16. Tímar fara yfirleitt fram á Teams og hægt er að horfa á upptökur af fyrirlestrum á kennsluvefnum.
Skyldumæting er í 2 staðlotur sem eru fim. 31. okt. kl. 13-17 (ath. ekki staðfest) og 22. nóv. kl. 13-17.

Nemendur sem sækja þetta námskeið hjá Endurmenntun LBHÍ sækja sama námskeið og nemendur sem skráðir
eru í nám í Skipulagsfræði við Landbúnaðarháskóla Íslands. 
Námskeiðið er á meistarastigi og metið til 4 ECTS eininga.

Kennari er Astrid Lelarge aðjúnkt í skipulagsfræði við LBHÍ: Astrid er sérhæfð í sögu borgarskipulags og meðeigandi Alternance arkitektastofu.

Staður: Hjá Landbúnaðarháskóla Íslands á Keldnaholti í Reykjavík og fyrirlestra má sækja á Teams

Tími: Námskeiðið er á seinni haustönn, fyrsti kennsludagur er fös. 25. okt. og síðasti kennsludagur fös. 29. nóv.
Ath. skyldumæting er í staðlotur, sjá hér fyrir ofan. 

Verð: 44.000 kr.

– Við minnum á að hægt er að sækja um styrk frá stéttarfélögum til að sækja námskeið á háskólastigi –