Skipulagslögfræði og stjórnsýsluramminn er námskeið sem hentar öllum sem hafa áhuga á að efla þekkingu sína og færni á sviði skipulagsfræða og nýtist meðal annars arkitektum, landslagsarkitektum, hönnuðum, starfsfólki á umhverfis- og skipulagssviði sveitarfélaga.

Á námskeiðinu er fjallað um íslenska réttarkerfið, þrígreint vald, hlutverk og vægi hvers þáttar. Farið er yfir meginreglur stjórnsýsluréttarins, þar sem að skipulag og byggingar- og framkvæmdaleyfi eru stjórnvaldsákvarðanir.

Einnig er fjallað er um eignarrétt og lögvernd hans og gerð grein fyrir helstu réttarreglum um eignarnám og bætur. Farið er yfir reglur skipulags- og byggingarlaga, mat á umhverfisáhrifum, náttúruvernd og annað sem varðar skipulagsgerð.

Skoðuð eru raunveruleg dæmi, úrlausnir dómstóla, úrskurðarnefndar skipulags- og byggingarmála og mannréttindadómstóls Evrópu í ágreiningsmálum.

Nemendur sem sækja þetta námskeið hjá Endurmenntun LBHÍ sækja sama námskeið og nemendur sem skráðir eru í meistaranám í Skipulagsfræði við Landbúnaðarháskóla Íslands. Námið er á meistarastigi og metið til 6 ECTS eininga.

Kennarar námskeiðsins eru Ásta Sóley Sigurðardóttir stofnandi og eigandi Mannvirkjamál lögmannsstofu sem kennt hefur mörg námskeið er varða mannvirkjagerð og skipulagsfræði og Ásdís Hlökk Theodórsdóttir land- og skipulagsfræðingur sem hefur áratuga reynslu af störfum við skipulagsmál og umhverfismat sem háskólakennari, rannsakandi og ráðgjafi. 

Námskeiðið er að mestu kennt í fjarnámi með fjórum staðarlotum frá ágústlokum til nóvemberloka.
Stundaskrá námskeiðs má nálgast hér: Stundaskrá námskeiðs í Uglu

Staður: Kennt í fjarnámi á Teams og staðarlotur eru kenndar hjá LBHÍ á Keldnaholti í Reykjavík

Tími: Námskeiðið er 11 vikna námskeið, kennt frá 29. ágúst 28. nóvember

Verð: 49.000 kr.

– Við vekjum athygli á að hægt er að sækja um styrk hjá stéttarfélögum fyrir námskeiði á háskólastigi –