Ræktun lerkis hófst á Íslandi á fyrri hluta 20. aldar þegar tegundin var flutt inn sem tilraun til að auka fjölbreytni í skógrækt. Lerki, einkum og sér í lagi Rússalerki, hefur reynst vaxa vel víða. Evrópulerki hefur ekki náð sér eins vel á strik enda þolir yrkið illa umhleypinga sem eru algengari hér sunnan og vestanlands. Lerkikynblendingurinn Hrymur lofar góðu og virðist tegundin þolin gagnvart því síbreytilega veðurfari sem finna má hér á landi. 

EFNISTÖK NÁMSKEIÐS
Á námskeiðinu verður fjallað um aðferðir til að framleiða skógarplöntur af Hrym lerkikynblendingi frá stiklingum og helstu eiginleika þeirra. Fjallað verður um tæknina, sem notuð er við örplöntuframleiðslu, ræktun og val á móðurplöntum, söfnun, klippingar og meðhöndlun á stiklingaefni. Undirbúning ræktunar og aðstæðna og hvaða möguleikar eru til staðar, og kostir og gallar við aðferðina.

Kynntir verða mismunandi þættir í undirbúningi, ræktunaraðstæður, stýringu og nauðsynlegan tækjabúnað fyrir rætingu stiklinga, örplöntuframleiðsluna og framhaldsræktun yfir í útplöntunarhæfar plöntur. Farið ítarlega í tæknina og aðferðir í hverju skrefi fyrir sig þar sem kostir og gallar eru metnir.

KENNARI
Jakob K Kristjánsson lífefnafræðingur og skógarbóndi, en hann hefur undanfarin tvö ár gert tilraunir með, og stýrt verkefni í samstarfi við fleiri aðila, sem hefur það að markmiði að þróa endurbætta örplöntutækni, sem mögulegt væri að nota til fjöldaframleiðslu á Hrymplöntum frá stiklingum.

NÁMSKEIÐ Í BOÐI
Þriðjudagur 14. október, kl. 13 – 17

KENNSLUFYRIRKOMULAG
Um er að ræða námskeið sem haldið er í húsakynnum Landbúnaðarháskóla Íslands á Keldnaholti í Reykjavík, Árleyni 22. Námskeiðið samanstendur af um tveimur hálftíma fyrirlestrum með glærukynningu. Síðan verður 2-3 klst. verklegur þáttur og sýnikennsla um tækjabúnað, meðferð stiklingaefnis og ræktunaraðferðir, sem fram fer í Gróðurhúsi Landbúnaðarháskólans á sama stað.

VERÐ
20.000 kr.  – innifalið í verði er kennsla og léttar kaffiveitingar.

Hámarksfjöldi er 15 manns.