Umsókn
Í nútíma samfélagi gengur allt frekar hratt fyrir sig og lítill tími gefst til þess að huga að samspili manns og náttúru. En kröfur um efnisleg gæði þurfa ekki að stangast á við jákvætt sambýli við náttúruna. Maðurinn er jú hluti af umhverfinu og óskir hans og hagsmunir geta vel farið saman við hagsmuni umhverfisins.
Með því að taka þátt í þessu námskeið lærir þú að tileinka þér hugmyndafræði vistmenningar, tengja hana við eigin aðstæður og finna leiðir til að létta þér lífið, auka afkastagetu (output) með sem minnstum tilkostnaði (input). Á námskeiðinu er fjallað um hvernig ýmsir þættir dagslegs lífs, svo sem skipulag, hönnun, samgöngur, neysla, nytsemi, siðfræði, hefðir og félagsleg tengsl tengjast og hvernig við mannfólkið getum lagt okkar af mörkum til að efla vistkerfi jarðar.
Markmið námskeiðsins er að dýpka þekkingu og skilning þátttakenda á hugmyndafræði vistmenningar og hvernig einstaklingar, fyrirtæki og stofnanir geta lagt sitt af mörkum til að draga úr neikvæðum áhrifum á umhverfið, bæta lífsgæði og stuðla að hagkvæmari nýtingu auðlinda.
FJALLAÐ ER UM
– Hugmyndafræði vistmenningar
– Samspil manns og náttúru
– Hagsmuni mannsins og umhverfisins
– Hönnun á samfélögum
– Skynsamlega nýtingu auðlinda
– Mannvist og vistvænar lausnir
FYRIR HVERJA
Námskeiðið hentar öllum sem vilja kynna sér hugmyndafræði vistmenningar, tengja hana við eigin aðstæður og meta hvernig hægt er að tileinka sér hugmyndafræðina með einföldum hætti. Þátttakendur fá innsýn í hvernig vistmenning tengist ýmsum þáttum dagslegs lífs, svo sem skipulagi, hönnun, samgöngum, neyslu, nytsemi, hefðum og félagslegum tengslum, og hvernig nýta megi auðlindir jarðar á sjálfbæran hátt.
NÁMSMAT
100% heimapróf
KENNSLUFYRIRKOMULAG
Um er að ræða 4 vikna námskeið sem kennt er á Teams og hefst miðvikudaginn 19. mars. Gert er ráð fyrir einni staðarlotu þar sem farið er í heimsókn til Berglindar og Ólafs í Magnússkógum í Dölum þar sem þau munu fræða nemendur um bokashi gerð og svepparækt á bokashi. Fyrirlestrar eru teknir upp og aðgengilegir kennsluvef skólans allan sólarhringinn meðan á námskeiðinu stendur.
Mikil ánægja hefur verið með vettvangsferðir námskeiðsins og enginn kostnaður því tengdu.
KENNARI
Cornelis Aart Meijles umhverfisverkfræðingur og stundakennari hjá Landbúnaðarháskóla Íslands
VERÐ
39.000 kr.
– Við vekjum athygli á að flest stéttarfélög styrkja félagsmenn sína til að sækja nám og námskeið
Endurmenntun LbhÍ
Landbúnaðarháskóli Íslands býr yfir sterkum og góðum tengslum við atvinnulífið og landsbyggðina sem er jafnframt grunnur að góðri og öflugri endurmenntunardeild við skólann. Endurmenntun LbhÍ þjónar því flestum starfandi einstaklingum á sviði umhverfistengdra málefna í þjóðfélaginu.
Hvanneyri - 311 Borgarbyggð
Keldnaholt - 112 Reykjavík
Sími 433-5000
Kt. 411204-3590