– Haldið í samstarfi við IÐUNA fræðslusetur –

Námskeiðið Húsgagnagerð úr skógarefni hefur þróast upp úr námskeiðinu Lesið í skóginn tálgað í tré sem hefur verið kennt í frá árinu 2001 og notið mikilla vinsælda.

Námskeiðið er opið öllum og hentar m.a. kennurum, sumarbústaðafólki, skógareigendum, skógræktarfólki, handverksfólki og öðrum er vilja læra hvernig hægt er að smíða úr því efni sem er að falla til við grisjun.

Á námskeiðinu kynnist þú eiginleikum einstakra viðartegunda og nýta grisjunarefni í húsgagnagerð og aðrar hagnýtar nytjar. Þátttakendur kynnast  fersku og þurru efni og samsetningu þess, læra að afberkja, ydda, setja saman og fullvinna húsgögn, m.a. setja saman kolla og bekki úr greinaefni og bolviði/skógarfjölum. Þá er yfirborðsmeðferð og fúavörn kennd á námskeiðinu.

Öll verkfæri og efni til staðar. Mikilvægt er að vera vinnufatnaði á námskeiðinu eða taka með
svuntu og fatnað eftir veðri.

Kennsla: Ólafur Oddsson verkefnisstjóri Lesið í skóginn og fyrrverandi fræðslufulltrúi Skógræktarinnar og Ólafur G. E. Sæmundsen skógtæknir.

Tími: Fös. 08. apríl kl. 16 – 19 og lau. 09. apríl kl. 09 – 16  

Staður: Hjá Skógræktarfélagi Árnesinga á Snæfoksstöðum í Grímsnesi.

Verð: 54.900 kr. – allur efniskostnaður, verkfæri og áhöld, handleiðsla tveggja sérfræðinga, áhöld og kaffi er innifalinn í verði auk þess sem þátttakendur taka með sér heim bæði koll og bekk úr skógarviði

– Flest stéttarfélög styrkja félagsmenn sína til að sækja námskeið eða nám –