Á námskeiðinu er  farið yfir undirstöðuatriði dýrafræði og nemendur munu kynnast breytileika í þróun hryggdýra, með áherslu á líkamsbyggingu, beinagrindur, hreyfingu og fæðunám.

Dýralífeðlisfræði er einnig kennd með áherslu á samvægi (homestasis), samræmi og stjórnun, auk þess sem nemendur kynnast helstu ættum íslenskra fugla og spendýra.

Í lok námskeiðs eiga nemendur að :
– Hafa skilning og yfirsýn í breytileika hryggdýra og  helstu flokkum dýraríkisins
– Kunna skil á flokkun hryggdýra og geta útskýrt hana í aðalatriðum
– Geta lýst megingerðum og mismunandi aðlögunum í beinagrindum hryggdýra, hreyfikerfum þeirra og fæðunámi
– Geta rakið tengsl dýrahópa í þróunarsögunni
– Geta borið saman lífeðlisfræði dýra m.t.t. samvægis 
– Kunna skil á ættum íslenskra fugla og spendýra, hvort sem er villt dýr eða húsdýr

Nemendur sem sækja þetta námskeið hjá Endurmenntun LBHÍ sækja sama námskeið og nemendur sem skráðir eru í nám við Landbúnaðarháskóla Íslands. Nemandi sem uppfyllir öll skilyrði til próftöku verður gefinn kostur á að fá vottað einingamat í lok námskeiðs. Námskeiðið er á BS/BA stigi og má meta til 6 ECTS eininga.

Kennsla: Jón Einar Jónsson forstöðumaður rannsóknarsetursins á Snæfellsnesi og  stundakennari hjá LBHÍ

Staður: Hægt að taka í fjarkennslu eða mæta í tíma hjá LBHÍ á Hvanneyri (einn dagur í skyldumætingu)

Tími: Kennt á seinni vorönn (mars-apríl), stundaskrá kynnt þegar nær dregur námskeiði

Kennslufyrirkomulag: Allir fyrirlestrar eru teknir upp og aðgengilegir nemendum á námsvef skólans.
Nemendum er í sjálfvald sett hvort þeir mæta í tíma eða hlusta á upptökur.
Skyldumæting er í einn dag vegna verklegrar kennslu

Verð: 49.000 kr.