Almennar upplýsingar um námið

Námskeiðið er undirbúningsnámskeið fyrir þá sem vantar grunn í efnafræði og nýtist vel þeim sem stefna á nám við LBHÍ hvort heldur sem er starfsmenntanám eða BS nám á sviði náttúru- og umhverfisfræði, búvísinda og skógfræði. Námskeiðið er einnig opið nemendum annarra skólastofnana. 

Námskeiðið hentar einnig mjög vel öllum þeim sem vilja öðlast grunnfærni í efnafræði, m.a. starfandi bændum, garðyrkjubændum, þeim sem vinna í eða í tengslum við raungreinar og rannsóknir sem og þeim sem hyggja á áframhaldandi nám og vilja fá staðgóðan grunn í efnafræði eða einfaldlega að rifja upp fyrri þekkingu.

Nemandi á að loknum þessum áfanga að hafa öðlast nokkurn skilning á frumatriðum efnafræðinnar, byggingu frumeinda (atóma) og uppbyggingu lotukerfisins. Þá á nemandinn að skilja og geta beitt helstu grunnhugtökum greinarinnar og kunna skil á efnatengjum, efnahvörfum og efnasamböndum.

Lögð er áhersla á að nemandinn geti reiknað út mólstyrk lausna og efnainnihald einstakra frumefna í efnasamböndum, t.d. köfnunarefnisinnihald í kjarna. Sérstök áhersla er lögð á að kynna grunnhugtök í lífrænni efnafræði.

Þeir nemendur sem sækja þetta námskeið hjá Endurmenntun LbhÍ sækja sama námskeið og þeir nemendur sem skráðir eru í nám við Landbúnaðarháskóla Íslands. Nemandi sem uppfyllir öll skilyrði til próftöku verður gefinn kostur á að fá vottað einingamat í lok námskeiðs. Námskeiðið er á framhaldsskólastigi og má meta til 2 framhaldsskólaeininga.

Kennsla: Björk Lárusdóttir náttúru- og umhverfisfræðingur

Tími: Frá 2. ágúst til 19. ágúst

Kennslufyrirkomulag: Alfarið kennt í fjarkennslu, mögulega með einhverri mætingu í fyrirlestra/kynningar í gegnum fjarfundabúnað

Námsmat: Verkefnavinna og lokapróf, lágmarkseinkunn 5.0 í öllum námsþáttum til að standast námskeiðið

Verð: 5.000 kr. fyrir nemendur sem stunda nám við LBHÍ / 15.000 kr. fyrir aðra

Skráningarfrestur: Til og með 28. júlí 2022