Á þessu hnitmiðaða námskeiði er fjallað um mikilvægi staðargróðurs og aðferðir við endurheimt hans á svæðum sem raskast vegna framkvæmda. Farið er yfir tengsl staðargróðurs við líffræðilega fjölbreytni, sjálfbærni og alþjóðleg markmið – auk þess sem kynntar eru raunhæfar aðferðir við endurheimt staðargróðurs og reynsla af framkvæmd slíkra verkefna.

Námskeiðið veitir þátttakendum yfirsýn yfir helstu áskoranir sem fylgja raski á gróðri og jarðvegi og hvernig best er að undirbúa, skipuleggja og framkvæma endurheimt staðargróðurs. Sérstök áhersla er lögð á aðferðir sem byggja á nýtingu staðbundins efniviðar og náttúrulegra ferla og í lok námskeiðs er boðið upp á umræður um áskoranir og lausnir við framkvæmd endurheimtar.

FJALLAÐ ER MEÐAL ANNARS UM:

• Mikilvægi staðargróðurs og tengsl við líffræðilega fjölbreytni
• Rask vegna mismunandi mannvirkjagerðar
• Helstu aðferðir við endurheimt staðargróðurs
• Nýting gróðursvarðar, fræja og annars staðbundins efniviðar
• Reynslu af mismunandi aðferðum
• Undirbúning, skipulag og framkvæmd endurheimtarverkefna
• Umræður um áskoranir og lausnir í framkvæmd

FYRIR HVERJA:

Námskeiðið hentar öllum sem koma að hönnun, skipulagningu og framkvæmd verkefna sem raska gróðri og jarðvegi og nýtist m.a.:

• Starfsfólki sveitarfélaga
• Verktökum
• Skipulagsfræðingum og hönnuðum
• Aðilum í ferðaþjónustu
• Umhverfis- og náttúruverndaraðilum
• Áhugafólki um landgræðslu og vistheimt

KENNSLUFYRIRKOMULAG:
í boði sem staðnám Hjá Landbúnaðarháskóli Íslands á Keldnaholti í Reykjavík, Árleynir 22, eða sem fjarnám og verður teamshlekkur sendur á þátttakandur mánudaginn 26. apríl. 

DAGSETNING:
Næsta námskeið fyrirhugað haust 2026

Umsókn er ekki staðfest nema gengið sé frá greiðslu í umsóknarferlinu með debet- eða kreditkorti.

– Við vekjum athygli á að flest stéttarfélög styrkja félagsmenn sína til að sækja nám og námskeið – 

Mikilvægar upplýsingar um greiðsluskilmála og greiðslukjör

———————–