– Haldið í samstarfi við Smalahundafélag Íslands og Bændasamtök Íslands –

Mikill áhugi hefur verið á fjárhundanámskeiðum sem Endurmenntun LBHÍ hefur haldið í samstarfi við Smalahundafélag Íslands og Bændasamtök Íslands, og hafa færri komist að en vilja.

Fyrirhugað er að halda fjárhundanámskeið í ágúst 2023 og er um að ræða tvö tveggja daga námskeið. Hægt er að velja um að sækja námskeiðið með eða án hunds.

Í ljósi sögunnar og þróunar búsetu um hinar dreifðu sveitir landsins blasir við að fólki til sveita fækkar og smalamennska verður erfiðari af þeim sökum. Því hafa góðir smalar með vel þjálfaða hunda aldrei verið mikilvægari en einmitt nú. Námskeið þetta er því góð viðleitni við að undirbúa menn fyrir þessa breyttu tíma og auka sérhæfingu á þessu sviði.

Kennari á námskeiðinu verður kynntur þegar opnað er fyrir skráningu.

Um er að ræða námskeið þar sem vönduð vinnubrögð og fagmennska eru í hávegum höfð. Á námskeiðinu mun Angie kenna aðferðafræðina við að temja fjárhunda. Uppbygging námskeiðsins er 80% verkleg þjálfun sem fram fer í reiðhöllinni og úti við ef aðstæður leyfa. Þá er 20% bókleg kennsla eftir því sem þörf krefur.

Hundar verða að vera byrjaðir í tamningu með kindum og kunna að hlýða frumskipunum til að námskeiðið nýtist.

Í boði er að sitja námskeiðið án hunds!

Haldin verða tvö, tveggja daga námskeið frá kl. 9-17.

Hámarksfjöldi á hverju námskeiði eru
12 nemendur, 8 nemendur með hund og 4 nemendur án hunds.

Staður: Kynntur síðar

Verð með hundi: kr. 66.000.-
Verð án hunds: kr. 33.000.-

Þú getur skráð þig á póstlista Endurmenntunar LBHÍ á forsíðu vefsins https://endurmenntun.lbhi.is/
til að fá upplýsingar um hvenær opnar fyrir skráningar