Almennar upplýsingar um námið
Námskeiðið er hugsað fyrir þá sem hafa áhuga á að kynna sér geitfjárrækt. Í námskeiðinu verður fjallað um erlend geitfjárkyn og uppruna íslenska geitastofnsins stöðu hans, ræktun og framtíðarhorfur. Fjallað verður um aðgerðir til verndar stofinum sem telst í útrýmingarhættu. Á undanförnum árum hefur áhugi á þessum einstaka stofni aukist mikið og vinnsla ýmisa geitaafurða hefur verið að þróast. Fjallað verður m.a. um vinnslu afurða og sagt frá reynslu þeirra sem hafa verið að vinna með afurðir geita, mjólk (ostagerð), kjöt, fiðu og stökur. Einnig verður fjallað um sæðingar og mikilvægi þeirra til að sporna við skyldleikarækt. Farið verður í heimsókn á geitfjárræktarbú.
Í lok námskeiðs eiga nemendur að hafa fengið haldgott yfirlit um geitfjárrækt sem búgrein á Íslandi, stöðu hennar og möguleika. Ennfremur skulu nemendur:
– Þekkja helstu geitfjárkyn í heiminum og eiginleika þeirra
– Þekkja sögu íslenska geitastofnsins og varðveisluaðgerðir
– Hafa þekkingu og skilning á mikilvægi sæðinga til sporna gegn skyldleikarækt í stofninum
– Þekkja helstu afurðir geitfjár og vinnslu þeirra
– Hafa þekkingu og skilninga á meðferð, aðbúnaði og fóðrun geitfjár
– Þekkja skýrsluhald (Heiðrún) og stuðningskerfi geitfjárræktar
– Geta lesið og nýtt sér vísindagreinar um geitfjárrækt og miðlað efni þeirra
Þeir nemendur sem sækja þetta námskeið hjá Endurmenntun LbhÍ sækja sama námskeið og þeir nemendur sem skráðir eru í nám við Landbúnaðarháskóla Íslands. Nemandi sem uppfyllir öll skilyrði til próftöku verður gefinn kostur á að fá vottað einingamat í lok námskeiðs. Námskeiðið er á BS/BA stigi og má meta til 2 ECTS eininga.
Kennsla: Birna Kristín Baldursdóttir, lektor hjá Landbúnaðarháskóla Íslands
Tími: 14. júní til 30. júní í fjarkennslu
Verð: 3.000 kr
Skoða má öll námskeið sem falla undir sumarúrræði stjórnvalda 2021 hér.
Umsókn
Endurmenntun LbhÍ
Landbúnaðarháskóli Íslands býr yfir sterkum og góðum tengslum við atvinnulífið og landsbyggðina sem er jafnframt grunnur að góðri og öflugri endurmenntunardeild við skólann. Endurmenntun LbhÍ þjónar því flestum starfandi einstaklingum á sviði umhverfistengdra málefna í þjóðfélaginu.
- Haldið í samstarfi við Smalahundafélag Íslands og Bændasamtök Íslands -
Mikill áhugi hefur verið á fjárhundanámskeiðum sem Endurmenntun LBHÍ hefur haldið í samstarfi við Smalahundafélag Íslands og Bændasamtök Íslands, og hafa færri komist að en vilja.
Næsta námskeið verður haldið í reiðhöll LBHÍ á Mið-Fossum í Borgarfirði og eru tvö, tveggja daga námskeið í boði:
- Fyrra námskeiðið er lau. 24. feb. og sun. 25. feb. kl. 9-17: Með eða án hunds
- Seinna námskeiðið er mán. 26. feb. og þri. 27. feb. kl. 9-17: Með eða án hunds
Hámarksfjöldi á hverju námskeiði eru 12 nemendur,
8 til 9 nemendur með hundi og 5 nemendur án hunds.
Í ljósi sögunnar og þróunar búsetu um hinar dreifðu sveitir landsins blasir við að fólki til sveita fækkar og smalamennska verður erfiðari af þeim sökum. Því hafa góðir smalar með vel þjálfaða hunda aldrei verið mikilvægari en einmitt nú. Námskeið þetta er því góð viðleitni við að undirbúa menn fyrir þessa breyttu tíma og auka sérhæfingu á þessu sviði.
Kennari á námskeiðinu er Jo Agnar Hansen sauðfjárbóndi sem kemur frá Noregi. Hann er búinn að vera með smalahund frá árinu 1987 og er talinn einn af fjórum fremstu fjárhundatamningamönnum Noregs.
Jo Agnar hefur verið í norska landsliðinu frá 2006 og er formaður Hedmark Gjeterhundlag sem er deild innan norsku sauðfjár- og geitfjársamtaka Noregs.
Um er að ræða námskeið þar sem vönduð vinnubrögð og fagmennska eru í hávegum höfð. Á námskeiðinu mun Paddy Fanning kenna aðferðafræðina við að temja fjárhunda. Uppbygging námskeiðsins er 80% verkleg þjálfun sem fram fer í reiðhöllinni og úti við ef aðstæður leyfa. Þá er 20% bókleg kennsla eftir því sem þörf krefur.
Hundar verða að vera byrjaðir í tamningu með kindum og kunna að hlýða frumskipunum til að námskeiðið nýtist.
Í boði er að sitja námskeiðið án hunds gegn vægara gjaldi!
Kennari: Jo Agnar Hansen sauðfjárbóndi og fjárhundatemjari frá Noregi
Staður: Reiðhöllinni á Mið-Fossum í Borgarfirði
Tími: Fyrra námskeiðið er lau. 24. feb. og sun. 25. feb. kl. 9-17: Með eða án hunds
Seinna námskeiðið er mán. 26. feb. og þri. 27. feb. kl. 9-17: Með eða án hunds
Verð með hundi: 60.000 kr. - innifalið í verði er kennsla, hádegisverður og kaffi
Verð án hunds: 30.000 kr. - innifalið í verði er að horfa á kennsluna, hádegisverður og kaffi
Hvanneyri - 311 Borgarbyggð
Keldnaholt - 112 Reykjavík
Sími 433-5000
Kt. 411204-3590
