Grunnnámskeið í blómaskreytingum

Almennar upplýsingar um námið

Námskeiðið er einkum ætlað ófaglærðum sem vinna til dæmis í blómaverslunum, veitingageiranum eða ferðaþjónustu eða hafa það í hyggju. Eins hentar námskeiðið vel öllum þeim sem vilja sýsla með blóm og skreytingar í einkalífi sem og á vinnumarkaði.

Fjallað verður um helstu tegundir afskorinna blóma, nemendur fá verklega kennslu við skáskurð, hreinsun stilkanna og meðhöndlun afskorinna blóma eftir mismunandi tegundum.

Kennt verður hvernig á að búa til einfalda blómvendi og ganga frá þeim. Þá verður fjallað um einfaldar borðskreytingar.
Mismunandi efnivið verður blandað saman og einnig horft til nærumhverfisins eftir heppilegum efnivið. Eins verður rík áhersla lögð á góða nýtingu á efni sem og fagmannleg vinnubrögð. Í lok námskeiðs fer svo hver og einn nemandi heim með afrakstur dagsins.

Kennsla: Bryndís Eir Þorsteinsdóttir blómaskreytir og Valgerður Jóndís Guðjónsdóttir blómaskreytir.

Tími: Lau. 20. mars, kl. 10:00-16:00 hjá LbhÍ á Reykjum í Ölfusi.

Verð: 28.500 kr (Námsgögn, kaffi, hádegismatur og allt efni innifalið)

Endurmenntun LbhÍ

Landbúnaðarháskóli Íslands býr yfir sterkum og góðum tengslum við atvinnulífið og landsbyggðina sem er jafnframt grunnur að góðri og öflugri endurmenntunardeild við skólann. Endurmenntun LbhÍ þjónar því flestum starfandi einstaklingum á sviði umhverfistengdra málefna í þjóðfélaginu.