Námskeiðið skiptist í tvo hluta þar sem annars vegar er fjallað um undirstöðuatriði og meginstefnur í meðhöndlun úrgangs og hins vegar um vatnsöflun og vatnsmengun, þar með talið samspil líffræðilegs umhverfis og mengunar.

Hluti 1 – Meðhöndlun úrgangs
Fjallað verður um undirstöðuatriði og meginstefnur í meðhöndlun úrgangs, bæði erlendis og á Íslandi. Farið er yfir grunnatriði í meðhöndlun úrgangs og fjallað um þróun í meðhöndlun úrgangs, lög og reglugerðir, skilgreiningar og hugtök, mismunandi leiðir og útfærslur til meðhöndlunar úrgangs sem og umhverfis- og samfélagsáhrif.

Lögð er áhersla á heildræna nálgun í meðhöndlun úrgangs og lagðar verða tengingar við aðila sem koma að málum. Fjallað verður um samvinnu í efnis- og vörukeðjum með því að markmiði að loka efnahringrás og koma þannig í veg fyrir að úrgangur myndist yfir höfuð.

Farið verður inn í tengsl úrgangs- og orkumála, s.s. orkusparnaður sem getur orðið við hágæða endurvinnslu úrgangs í hringrásarhagkerfi. Áhersla er einnig lögð á verkefnavinnu bæði einstaklingsverkefni og hópverkefni – framsetningu og kynningu, rökræna hugsun og aðferðafræði við lausn verkefna. Farið verður í skoðunarferð til móttökustöðvar fyrir úrgang, ef aðstæður leyfa.

Hluti 2: Vatnsöflun og vatnsmengun
Í þessum hluta er fjallað um samspil líffræðilegs umhverfis og mengunar. Yfirlit verður gefið yfir gildandi lög og reglugerðir sem varða varnir gegn vatnsmengun.

Eftirfarandi atriði koma m.a. við sögu:
• Efnaferlar í náttúrunni – helstu mengunarefni hér á landi og uppsprettur þeirra.
• Áburðarefni, lífræn efni, gerlar, þungmálmar og þrávirk efni.
• Ástand mála hvað varðar mengun hér á landi borið saman við önnur lönd í Evrópu og víðar
• Umhverfi og heilsa
• Vatn – vatnsgæði – vatnsnotkun og vatnsöflun – litlar vatnsveitur.
• Fráveitur og skólp. Skólphreinsun í þéttbýli og dreifbýli. Ástand skólpmála.
• Fráveita á ofanvatni. Blágrænar lausnir. 

Námskeiðið er 10 vikna langt og kennt í fjarnámi. 

Námsmat byggir á framlögðum verkefnum (engin próf).

Nemendur sem sækja þetta námskeið hjá Endurmenntun LBHÍ sækja sama námskeið og nemendur sem skráðir eru í nám í landslagsarkitektúr og skipulagsfræði við Landbúnaðarháskóla Íslands. Nemandi sem uppfyllir öll skilyrði til próftöku verður gefinn kostur á að fá vottað einingamat í lok námskeiðs.

Námskeiðið má meta til 6 ECTS eininga. Stundaskrá og nánari upplýsingar má nálgast hér:
UGLA – Kennsluskrá 2023-2024 > 05.69.03 MENGUN – UPPSPRETTUR OG ÁHRIF (lbhi.is)

Kennsla: Cornelis Aart Meijles umhverfisverkfræðingur 

Tími: Kennsla hefst um miðjan september og lýkur í kringum mánaðarmótin nóv/des (fyrri og seinni haustönn).

Staður: Kennt í fjarkennslu 

Verð: