Almennar upplýsingar um námið

Fjallað er um gildi fræðslu fyrir gesti verndarsvæða og mikilvægi þess að nota fræðslu og náttúrutúlkun
sem stjórntæki á verndarsvæðum. Fjallað er um hugmyndafræði náttúrutúlkunar og farið yfir helstu
grundvallaratriði og aðferðir. Lögð er áhersla á að nemendur noti aðferðir náttúrutúlkunar í verkefnum á
vettvangi. Fjallað er um hlutverk og ábyrgð landvarða, leiðsögumanna og annarra sem taka á móti
gestum gagnvart náttúrunni og upplýsinga- og fræðsluskyldu gagnvart gestum. Farið verður yfir hagnýta
þætti við skipulag, undirbúning og framkvæmd fræðslu. Fjallað er um mismunandi miðla sem nota má
við náttúrutúlkun eins og gönguferðir, náttúru- og sögustíga (fræðslustíga), gestastofur og fleira. Farið verður yfir helstu kosti og galla mismunandi miðla. Farið verður yfir þau margvíslegu tækifæri sem íslensk náttúra hefur til túlkunar. Sérstök áhersla verður lögð á að túlkunin feli í sér skilaboð.

Hæfni að námskeiði loknu:
– Að nemendur hafi þekkingu á og skilji hugmyndafræði náttúruverndar og vinnubrögð við náttúruvernd
– Að skilja muninn á náttúruvernd á stórum og smáum skala
– Að þekkja sögu náttúruverndar á Íslandi og erlendis
– Að þekkja til náttúruverndarstarfa hérlendis og erlendis
– Að skilja vandamál tengdum náttúruverndarstörfum
– Að tengja náttúruvernd, sjálfbæra þróun og þróun samfélagsins

Þeir nemendur sem sækja þetta námskeið hjá Endurmenntun LbhÍ sækja sama námskeið og þeir nemendur sem skráðir eru í nám við Landbúnaðarháskóla Íslands. Nemandi sem uppfyllir öll skilyrði til próftöku verður gefinn kostur á að fá vottað einingamat í lok námskeiðs. Námskeiðið er á BS/BA stigi og má meta til 6 ECTS eininga.

Kennsla: Arnheiður Hjörleifsdóttir umhverfisfræðingur og bóndi.

Tími: 14. júní til 16. júlí í fjarkennslu

Verð: 3.000 kr

Skoða má öll námskeið sem falla undir sumarúrræði stjórnvalda 2021 hér.