Rúningur - framhaldsnámskeið

Almennar upplýsingar um námið

Námskeiðið er ætlað öllum sem þeim sem hafa nú þegar grunnþekkingu og reynslu af vélrúningi. Námskeiði hentar einnig þeim sem meðhöndla ull, en farið verður yfir grunnþekkingu á flokkun og meðferð ullar.

Námskeiðið er alfarið á formi verklegrar kennslu þar sem vélrúningur er sýndur og kenndur. Nemendur taka einnig virkan þátt undir handleiðslu kennara. Lögð er áhersla á gott vinnuhagræði og góða líkamsbeitingu. Hámarks fjöldi þátttakenda er 8.

Kennsla: Jón Ottesen, bóndi á Grímarsstöðumí Borgarfirði

Tími: Miðvikudagurinn 10. nóvember 2021 (einn dagur), kl. 9:00-17:00 hjá LbhÍ á Hesti í Borgarfirði 

Staðsetning: Hjá LbhÍ á Hesti í Borgarfirði (Búið Hestur er staðsett í um 10 mínútna akstursfjarlægð frá Hvanneyri. Í stað þess að beygt sé inn á afleggjarann að Hvanneyri er ekið áfram sem leið liggur og er Hestur síðasti bærinn áður en komið er að afleggjaranum inn í Lundareykjadal)

Verð: 35.000 kr. (Námsgögn, áhöld, hlífðarfatnaður og kaffi innifalið í verði)
Athugið að ekki er hægt að bjóða upp á hádegismat og þátttakendur beðnir um að taka með sér nesti.

Hagnýtar upplýsingar: Minnt er á Starfsmenntasjóð bænda sem vistaður er hjá Bændasamtökum Íslands, https://www.bondi.is/felagsmal/starfsmenntasjodur/  

Umsókn

Endurmenntun LbhÍ

Landbúnaðarháskóli Íslands býr yfir sterkum og góðum tengslum við atvinnulífið og landsbyggðina sem er jafnframt grunnur að góðri og öflugri endurmenntunardeild við skólann. Endurmenntun LbhÍ þjónar því flestum starfandi einstaklingum á sviði umhverfistengdra málefna í þjóðfélaginu.