Námskeiðið veitir innsýn inn í  mismunandi þætti samgangna, einkum í þéttbýli, og hlutverki þéttbýlis- og samgönguskipulags við að stuðla að sjálfbærri þróun. Fjallað er um hvernig löggjöf, reglugerðir og stefnumarkanir á Íslandi taka á samgöngutengdum málefnum með það að markmiði að m.a. stuðla að skilvirkum
samgöngum og umhverfisvænum lausnum. Áhersla er lögð á landnotkun sem drifkrafti í þróun þéttbýlis, svæða og samgöngukerfa.

Farið er inn á hvernig samræmd stefna um húsnæðisuppbyggingu-, landnotkun- og samgönguáætlun getur stuðlað að sjálfbærri nýtingu lands, umhverfisvænni samgöngukerfum og hagkvæmni í samfélaginu. Þannig getur skipulag þéttbýlis dregið úr þörf fyrir samgöngur og gert íbúum kleift að ganga, hjóla og nota almenningssamgöngur
fyrir flestar ferðir.

Á námskeiðinu verður farið yfir eftirfarandi meginþætti:
1) Samgönguskipulag m.a. samgöngumátaval, gerð byggðar og landnotkun
2) Stefnumörkun og reglugerðir tengdar samgöngum
3) Umbreytingar og hvatar til að stuðla að vistvænni samgönguháttum og sjálfbærri þróun í þéttbýli.

Námskeiðið er á seinni haustönn og er fyrsti kennsludagur fös. 25. okt. kl. 9-12 og síðasti kennsludagur fös. 29. nóv. kl. 9-12. Tímar fara yfirleitt fram á Teams og hægt er að horfa á upptökur af fyrirlestrum á kennsluvefnum.
Skyldumæting er í 2 staðlotur sem eru 1. nóv. kl. 13-17 þar sem farið er í vettvangsferð og 22. nóv. kl. 9-12.

Kennari er Harpa Stefánsdóttir prófessor í skipulagsfræði við Landbúnaðarháskóla Íslands en auk þess koma fjölmargir gestakennarar að námskeiðinu.