Almennar upplýsingar um námið
Nýjungar í veirufræði
– Líffræði og þróun mismunandi veira, nýjar veirusýkingar og glíma við heimsfaraldur –
Haldið í samstarfi við Samlíf, samtök líffræðikennara og Samstarfsnefnd um endurmenntun framhaldsskólakennara (SEF)
Námskeiðið er ætlað þeim sem kenna líffræði í framhaldsskólum landsins og eru félagar í Samlíf, samtökum líffræðikennara.
Markmið námskeiðsins er að þátttakendur fái innsýn inn í heim veirufræðinnar, líffræði mismunandi veira og þróun þeirra. Að þátttakendur fái innsýn inn í þær rannsóknir sem unnar eru í dag á sviði veirufræði og aðferðir sem beitt er til greininga á veirum, stærðargráðu veiruríkisins, þróun nýrra veirusýkinga í heiminum í dag.
COVID-19 hefur beint sjónum manna að þeirri ógn sem stafar af veirusýkingum, ógn við líf og heilsu manna, daglegt líf og efnahagslífið. Námskeiðinu er því ætlað að auka þekkingu og færni líffræðikennara í að fræða nemendur í framhaldsskólum um heim veirufræðinnar, byggingu veira, samsetningu og þroska, og tengja veirufræðina við samspil umhverfis, efnahags, samfélags og velferðar.
Að námskeiði loknu eiga þátttakendur að geta yfirfært þekkingu námskeiðsins inn í eigin kennslu, verklega, fræðilega og verkefnalega.
Fyrirlesarar: Arnar Pálsson prófessor í lífupplýsingafræði við HÍ, Björn Rúnar Lúðvíksson prófessor og yfirlæknir á ónæmisfræðideild Landspítalanum, Erna Magnúsdóttir dósent við læknadeild HÍ, Jón Magnús Jóhannesson sérnámslæknir í lyflækningum á Landspítalanum, Ólafur S. Andrésson prófessor í erfðafræði við HÍ og
Valgerður Andrésdóttir deildarstjóri á Tilraunastöð HÍ í meinafræðum.
Vettvangsferðir: Lífvísindasetur HÍ: Kynning á nýjustu tækni og aðferðum á sviði sameinda- og lífvísinda og
Sýkla- og veirufræðideild Landspítala: Kynning á rannsóknum í veirufræði og nýtt veirugreiningartæki skoðað.
Nánari dagskrá hér fyrir neðan.
Tími: Mið. 2. júní til fös. 4. júní 2021, kl. 9:00-16:00 í Öskju, náttúrufræðihúsi hjá Háskóla Íslands, Menntaskólanum við Sund og vettvangsferðir
Verð: 6.000 kr – Vinsamlegast greiðið skráningar- og staðfestingargjald beint inn á reikning hjá Samlíf
– 0311-26-001676 – kt. 610284-1169–
Í innskráningarferlinu hakið þið við “krafa send í heimabanka” og í framhaldinu gangið þið sjálf frá greiðslu skráningargjalds með því að millifæra á reikning Samlífs. Endurmenntun mun ekki senda reikning eða taka við greiðslum, og því ber ekki að greiða með greiðslukorti.
Umsókn
Dagskrá
2. júní 2021 Askja HÍ, stofa N-132
9:00-10:15 Inngangur að veirufræði og uppbygging veira – Ólafur S. Andrésson
10:15-10:30 Kaffi
10:30-12:00 Um samsetningu og þroskun veira – Ólafur S. Andrésson
12:00-12:30 Hádegismatur – Norræna húsið: Grænmetissúpa og brauð
12:30-14:00 Stærðargráður veiruríkisins – Arnar Pálsson
14:00-14:15 Kaffi
14:15-16:00 Erfðafræði og þróun veirunnar sem veldur Covid-19 – Arnar Pálsson
3. júní 2021 Askja HÍ, stofa N-132 og vettvangsferð á starfsstöð Lífvísindaseturs HÍ
9:00-10:15 Veirur í dýrum, af hverju skipta þær máli? – Jón Magnús Jóhannesson
10:15-10:30 Kaffi
10:30-12:00 Nýjar veirusýkingar, vaxandi ógn á heimsvísu – Jón Magnús Jóhannesson
12:00-12:30 Hádegismatur – Norræna húsið: Grænmetisréttur
12:30-14:00 Að glíma við heimsfaraldur – Jón Magnús Jóhannesson
14:00-14:15 Kaffi
14:30-16:00 Lífvísindasetur HÍ – Sigríður Klara Böðvarsdóttir forstöðumaður kynnir nýjustu tækni og aðferðir á sviði sameinda- og lífvísinda og aðstöðu Lífvísindaseturs HÍ í Öskju
4. júní 2021 Menntaskólinn við Sund í stofunni Bjarmaland og Sýkla- og veirufræðideild Landspítalans Ármúla 1
9:00-10:15 Hæggengar veirusýkingar (MVV og HIV) – Valgerður Andrésdóttir
10:15-10:30 Kaffi
10:30-12:00 Aðferðir til að greininga á veirum – Erna Magnúsdóttir
12:00-12:30 Hádegismatur – Matur frá Krúsku: Veganlasagne með salati, rauðrófum og pestó
12:30-14:00 COVID-19 og ónæmissvar – Björn Rúnar Lúðvíksson yfirlæknir ónæmisdeildar Landspítalans
14:00-14:30 Þátttakendur koma sér á Sýkla- og veirufræðideild Landspítalans, Ármúla 1
14:20-16:00 Sýkla- og veirufræðideild Landspítala Ármúla 1 (SVEID) – kynning á rannsóknum í veirufræði og nýtt veirugreiningartæki skoðað. Þátttakendum verður skipt upp í þrjá hópa og fá hóparnir 20 mínútna kynningu á nýju veirugreiningartæki, hver á eftir öðrum. Gunnsteinn Æ. Haraldsson aðstoðardeildarstjóri sýnir nýja tækið og kynnir veirufræðideildina. Hópur I mætir kl. 14.20 í Ármúla 1, 1. hæð og fer að henni lokinni í fundarherbergi. Hópur II og III mæta kl. 14.30 í Ármúlann, hópur II fær kynningu kl. 14.40 og hópur III fær kynningu kl. 15.00. Allir hóparnir sameinast í fundarherbergi eftir að hafa skoðað tækið.
Endurmenntun LBHÍ veitir Landspítala upplýsingar um nöfn og kennitölur þátttakenda í hverjum hópi fyrir sig. Allir þurfa að vera með andlitsgrímur, spritta sig vel, gæta að fjarlægðarmörkum (1m) og virða allar sóttvarnarreglur.
Endurmenntun LbhÍ
Landbúnaðarháskóli Íslands býr yfir sterkum og góðum tengslum við atvinnulífið og landsbyggðina sem er jafnframt grunnur að góðri og öflugri endurmenntunardeild við skólann. Endurmenntun LbhÍ þjónar því flestum starfandi einstaklingum á sviði umhverfistengdra málefna í þjóðfélaginu.
- Haldið í samstarfi við Smalahundafélag Íslands og Bændasamtök Íslands -
Mikill áhugi hefur verið á fjárhundanámskeiðum sem Endurmenntun LBHÍ hefur haldið í samstarfi við Smalahundafélag Íslands og Bændasamtök Íslands, og hafa færri komist að en vilja.
Næsta námskeið verður haldið í reiðhöll LBHÍ á Mið-Fossum í Borgarfirði og eru tvö, tveggja daga námskeið í boði:
- Fyrra námskeiðið er lau. 24. feb. og sun. 25. feb. kl. 9-17: Með eða án hunds
- Seinna námskeiðið er mán. 26. feb. og þri. 27. feb. kl. 9-17: Með eða án hunds
Hámarksfjöldi á hverju námskeiði eru 12 nemendur,
8 til 9 nemendur með hundi og 5 nemendur án hunds.
Í ljósi sögunnar og þróunar búsetu um hinar dreifðu sveitir landsins blasir við að fólki til sveita fækkar og smalamennska verður erfiðari af þeim sökum. Því hafa góðir smalar með vel þjálfaða hunda aldrei verið mikilvægari en einmitt nú. Námskeið þetta er því góð viðleitni við að undirbúa menn fyrir þessa breyttu tíma og auka sérhæfingu á þessu sviði.
Kennari á námskeiðinu er Jo Agnar Hansen sauðfjárbóndi sem kemur frá Noregi. Hann er búinn að vera með smalahund frá árinu 1987 og er talinn einn af fjórum fremstu fjárhundatamningamönnum Noregs.
Jo Agnar hefur verið í norska landsliðinu frá 2006 og er formaður Hedmark Gjeterhundlag sem er deild innan norsku sauðfjár- og geitfjársamtaka Noregs.
Um er að ræða námskeið þar sem vönduð vinnubrögð og fagmennska eru í hávegum höfð. Á námskeiðinu mun Paddy Fanning kenna aðferðafræðina við að temja fjárhunda. Uppbygging námskeiðsins er 80% verkleg þjálfun sem fram fer í reiðhöllinni og úti við ef aðstæður leyfa. Þá er 20% bókleg kennsla eftir því sem þörf krefur.
Hundar verða að vera byrjaðir í tamningu með kindum og kunna að hlýða frumskipunum til að námskeiðið nýtist.
Í boði er að sitja námskeiðið án hunds gegn vægara gjaldi!
Kennari: Jo Agnar Hansen sauðfjárbóndi og fjárhundatemjari frá Noregi
Staður: Reiðhöllinni á Mið-Fossum í Borgarfirði
Tími: Fyrra námskeiðið er lau. 24. feb. og sun. 25. feb. kl. 9-17: Með eða án hunds
Seinna námskeiðið er mán. 26. feb. og þri. 27. feb. kl. 9-17: Með eða án hunds
Verð með hundi: 60.000 kr. - innifalið í verði er kennsla, hádegisverður og kaffi
Verð án hunds: 30.000 kr. - innifalið í verði er að horfa á kennsluna, hádegisverður og kaffi
Hvanneyri - 311 Borgarbyggð
Keldnaholt - 112 Reykjavík
Sími 433-5000
Kt. 411204-3590
