Mannleg samskipti eru lykilatriði í umhverfis- og auðlindamálum og í dag er oftar en ekki gerð krafa um samráð við hagsmunaaðila. Faglega útfærð samskipti eru forsenda þess að ná farsælum og sjálfbærum lausnum á meðan ófagleg samskipti eða hreinlega skortur á samskiptum, geta haft þveröfug áhrif.

Um er að ræða tveggja daga námskeið sem veitir grunnþekkingu og færni í að höndla mannleg samskipti í tengslum við umhverfismál og auðlindanýtingu, hvort sem þau snúast um að vekja áhuga, auka skilning, efla samráð eða taka á ágreiningsmálum.

Á námskeiðinu efla þátttakendur færni sína og getu  til að meta forsendur fyrir samskipti hverju sinni og læra að taka á erfiðum aðstæðum með lýðræðislegum aðferðum.

Námskeiðið hentar öllum sem starfs síns vegna eru í samskiptum við fólk varðandi umhverfismál og auðlindamál, m.a. starfsfólki stofnana, sveitarfélaga og félagasamtaka 

Kennsla fer fram á íslensku og námsefnið er á ensku.

Hámarksfjöldi þátttakenda er 20.

Kennari:  Brita Berglund, umhverfissamskiptafræðingur og verkefnastjóri hjá Landgræðsluskóla GRÓ.
Brita hefur kennt umhverfissamskipti hjá LBHÍ og Endurmenntun LBHÍ um árabil.

 Tími: Fim. 19. sep. og fös. 20. sep. kl. 9-16

Staður: Hjá LBHÍ á Keldnaholti, Árleynir 22, 112 í Reykjavík

Verð:  49.900 kr. – Innifalið í verði eru námsgögn, kaffi og hádegismatur í mötuneyti skólans báða kennsludaga

– Við minnum á að hægt er að sækja um styrk frá stéttarfélögum til að sækja námskeið eða nám –