Á námskeiðinu er fjallað grunnhugtök og skilgreiningar skipulagsfræðinnar, sem og sögu og stjórn skipulagsmála bæði hér á landi og erlendis við skipulag byggðar og landssvæða (urban & rural planning).
Farið er yfir nauðsyn þess að taka tillit til allra þeirra forsendna sem máli skipta í viðkomandi umhverfi til að stuðla að sjálfbæru skipulagi, þ.e. náttúrufarslegar forsendur, hagrænar, samfélagslegar og byggðar.
Gerð grein fyrir verkferlum við gerð skipulagstillagna, mismunandi skipulagsstigum og vinnubrögðum við framsetningu skipulagstillagna. Einnig er fjallað um þátttöku almennings og hagsmunahópa, forsendur skipulagsgerðar, gögn og vinnubrögð.
Þá er á námskeiðinu farið yfir siðfræði í skipulagsmálum, umhverfisáhrif skipulagsáætlana og hlutverk skipulags og skipuleggjenda í samfélögum framtíðar.
Kennari á námskeiðinu er Hjördís Sigurðardóttir. Hjördís er með Ms gráðu í skipulagsfræði frá Wageningen háskólanum í Hollandi og BS gráðu í matvælafræði og umhverfisskipulagi. Hún er stofnandi og framkvæmdastjóri ALDIN Biodome og er starfandi við þróun þess. Hún var tilnefnd til EUWIIN verðlaunanna árið 2017 en hlaut þá sérstaka viðurkenningu fyrir framúrskarandi nýsköpun og samfélagsjákvætt uppbyggingarverkefni.
Nemendur sem sækja þetta námskeið hjá Endurmenntun LBHÍ sækja sama námskeið og nemendur sem skráðir eru í meistaranám í Skipulagsfræði við Landbúnaðarháskóla Íslands. Nemandi sem uppfyllir öll skilyrði til próftöku er gefinn kostur á að fá vottað einingamat í lok námskeiðs.
Námskeiðið er á meistara stigi og má meta til 4 ECTS eininga.
Kennari: Hjördís Sigurðardóttir skipulagsfræðingur og framkvæmdastjóri ALDIN Biodrome
Staður: Hjá Landbúnaðarháskóla Íslands á Keldnaholti í Reykjavík
Tími: Fyrri vorönn (janúar-febrúar). Stundaskrá kynnt um leið og hún liggur fyrir
Kennslutímabilið er 7 vikur.
Verð: 64.000 kr.
Umsókn
Endurmenntun LbhÍ
Landbúnaðarháskóli Íslands býr yfir sterkum og góðum tengslum við atvinnulífið og landsbyggðina sem er jafnframt grunnur að góðri og öflugri endurmenntunardeild við skólann. Endurmenntun LbhÍ þjónar því flestum starfandi einstaklingum á sviði umhverfistengdra málefna í þjóðfélaginu.
- Haldið í samstarfi við Smalahundafélag Íslands og Bændasamtök Íslands -
Mikill áhugi hefur verið á fjárhundanámskeiðum sem Endurmenntun LBHÍ hefur haldið í samstarfi við Smalahundafélag Íslands og Bændasamtök Íslands, og hafa færri komist að en vilja.
Næsta námskeið verður haldið í reiðhöll LBHÍ á Mið-Fossum í Borgarfirði og eru tvö, tveggja daga námskeið í boði:
- Fyrra námskeiðið er lau. 24. feb. og sun. 25. feb. kl. 9-17: Með eða án hunds
- Seinna námskeiðið er mán. 26. feb. og þri. 27. feb. kl. 9-17: Með eða án hunds
Hámarksfjöldi á hverju námskeiði eru 12 nemendur,
8 til 9 nemendur með hundi og 5 nemendur án hunds.
Í ljósi sögunnar og þróunar búsetu um hinar dreifðu sveitir landsins blasir við að fólki til sveita fækkar og smalamennska verður erfiðari af þeim sökum. Því hafa góðir smalar með vel þjálfaða hunda aldrei verið mikilvægari en einmitt nú. Námskeið þetta er því góð viðleitni við að undirbúa menn fyrir þessa breyttu tíma og auka sérhæfingu á þessu sviði.
Kennari á námskeiðinu er Jo Agnar Hansen sauðfjárbóndi sem kemur frá Noregi. Hann er búinn að vera með smalahund frá árinu 1987 og er talinn einn af fjórum fremstu fjárhundatamningamönnum Noregs.
Jo Agnar hefur verið í norska landsliðinu frá 2006 og er formaður Hedmark Gjeterhundlag sem er deild innan norsku sauðfjár- og geitfjársamtaka Noregs.
Um er að ræða námskeið þar sem vönduð vinnubrögð og fagmennska eru í hávegum höfð. Á námskeiðinu mun Paddy Fanning kenna aðferðafræðina við að temja fjárhunda. Uppbygging námskeiðsins er 80% verkleg þjálfun sem fram fer í reiðhöllinni og úti við ef aðstæður leyfa. Þá er 20% bókleg kennsla eftir því sem þörf krefur.
Hundar verða að vera byrjaðir í tamningu með kindum og kunna að hlýða frumskipunum til að námskeiðið nýtist.
Í boði er að sitja námskeiðið án hunds gegn vægara gjaldi!
Kennari: Jo Agnar Hansen sauðfjárbóndi og fjárhundatemjari frá Noregi
Staður: Reiðhöllinni á Mið-Fossum í Borgarfirði
Tími: Fyrra námskeiðið er lau. 24. feb. og sun. 25. feb. kl. 9-17: Með eða án hunds
Seinna námskeiðið er mán. 26. feb. og þri. 27. feb. kl. 9-17: Með eða án hunds
Verð með hundi: 60.000 kr. - innifalið í verði er kennsla, hádegisverður og kaffi
Verð án hunds: 30.000 kr. - innifalið í verði er að horfa á kennsluna, hádegisverður og kaffi
Hvanneyri - 311 Borgarbyggð
Keldnaholt - 112 Reykjavík
Sími 433-5000
Kt. 411204-3590
