Skipulagslögfræði og stjórnsýsluramminn er námskeið sem hentar öllum sem hafa áhuga á að efla sig á sviði skipulagsfræða og nýstist meðal annars arkitektum, landslagsarkitektum, hönnuðum, starfsfólki á umhverfis- og skipulagssviði sveitarfélaga og öðrum sem vilja endurmennta sig á þessu sviði og efla þekkingu sína og færni.

Á námskeiðinu er fjallað um íslenska réttarkerfið, þrígreint vald, hlutverk og vægi hvers þáttar. Farið er yfir meginreglur stjórnsýsluréttarins, þar sem að skipulag og byggingar- og framkvæmdaleyfi eru stjórnvaldsákvarðanir.

Einnig er fjallað er um eignarrétt og lögvernd hans og gerð grein fyrir helstu réttarreglum um eignarnám og bætur. Farið er yfir reglur skipulags- og byggingarlaga, mat á umhverfisáhrifum, náttúruvernd og annað sem varðar skipulagsgerð.

Skoðuð eru raunveruleg dæmi, úrlausnir dómstóla, úrskurðarnefndar skipulags- og byggingarmála og mannréttindadómstóls Evrópu í ágreiningsmálum.

Nemendur sem sækja þetta námskeið hjá Endurmenntun LBHÍ sækja sama námskeið og nemendur sem skráðir eru í meistaranám í Skipulagsfræði við Landbúnaðarháskóla Íslands. Nemendur sem uppfylla öll skilyrði til próftöku gefst kostur á að fá vottað einingamat í lok námskeiðs. Námið er á meistarastigi og má meta til 6 ECTS eininga.

Í boði er að sækja fyrirlestrartíma á Teams auk þess sem tvær vinnulotur eru haldnar hjá LBHÍ á tímabilinu hjá LBHÍ á Keldnaholti í Reykjavík. Stundaskrá og nánari upplýsingar má nálgast hér:
UGLA – Kennsluskrá 2023-2024 > 07.61.03 SKIPULAGSLÖGFRÆÐI OG STJÓRNSÝSLURAMMINN (lbhi.is)

Kennari: Ásta Sóley Sigurðardóttir stofnandi og eigandi Mannvirkjamál lögmannsstofu. Ásta Sóley er með langa reynslu í stjórnsýslu og kennt á mörgum námskeiðum sem varða mannvirkjagerð og skipulagsfræði, m.a. innan LBHÍ.

Staður: Hjá LBHÍ á Keldnaholti í Reykjavík

Tími: Námskeiðið er 11 vikna námskeið, kennt frá miðjum september fram í  miðjan nóvember og er heildarfjöldi fyrirlestratíma esem skiptast á 11 vikur. Stundaskrá auglýst nánar síðar.

Verð: 69.000 kr.

– Við vekjum athygli á að hægt er að sækja um styrk hjá stéttarfélögum fyrir námskeiði eða námi –