Íslenskir skógfræðingar hafa á síðustu áratugum náð mjög góðum árangri í nýskógrækt með gróðursettum forræktuðum skógarplöntum. Víða er fjölbreyttari aðferðum beitt við nýliðun skóga á skóglausu landi
sem byggja á vistfræðilegri þekkingu.

Á námskeiðinu verður þátttakendum kynntar nýjustu rannsóknir á þessu sviði skógvistfræði með áherslu á hvernig vistfræðilegir ferlar eins og sjálfsáning, framvinda, samhjálp og samkeppni eru nýtt við nýskógrækt. Ýmsir tilraunareitir og ræktaðir skógar verða heimsóttir og niðurstöður ræddar.

Þátttakendur öðlast góðan skilning á vistfræðilegum ferlum sjálfsáningar og hvernig þessir ferlar eru nýttir í nýskógrækt. Auk þess fá þeir góða yfirsýn og betri skilning á skógvistfræðilegum rannsóknum á Íslandi
og nýjustu niðurstöðum rannsókna erlendis.

Dennis Riege kennir námskeiðið en hann er er bandarískur vistfræðingur og háskólakennari sem hefur stundað rannsóknir á Íslandi í tæpa tvo áratugi. Námskeiðið er blanda af fræðilegu námskeiði og verklegri þjálfun. Tveir kennsludagar eru ferðadagar og mögulega verður farið í fleiri stuttar ferðir í nágrenni Hvanneyrar.

Nemendur sem sækja þetta námskeið hjá Endurmenntun LBHÍ sækja sama námskeið og nemendur sem skráðir eru í BS nám í Skógfræði við Landbúnaðarháskóla Íslands. Nemendur sem uppfylla öll skilyrði til próftöku gefst kostur á að fá vottað einingamat í lok námskeiðs.

Námskeiðið er á BS stigi og metið til 2 ECTS eininga.

Verð: 54.000 kr. (innifalið í verði er kennsla og rútuferðir tengdar vettvangsferðum)

– Athygli er vakin á að flest stéttarfélög styrkja félagsmenn sína til að sækja nám og námskeið –