Tálgað í tré

Haldið í samstarfi við IÐUNA fræðslusetur   

Námskeið sem hefur þróast upp úr námskeiðinu Lesið í skóginn tálgað í tré sem hefur verið kennt í frá árinu 2001 og hefur notið mikilla vinsælda.

Námskeiðið er öllum opið. Það hentar m.a. kennurum, sumarbústaðafólki, skógareigendum, skógræktarfólki, ömmum, öfum og öðrum sem vilja læra hvernig hægt er að nota ferskan við úr skóginum, garðinum eða sumarbústaðarlandinu.

Á námskeiðinu læra þátttakendur að grisja tré og hvar má finna efni í einstök tálguverkefni. Örugg hnífsbrögð sem auka afköst og öryggi í tálgun með hníf og exi eru kennd og hvernig á að umgangast og hirða bitáhöld
í ferskum viðarnýtjum, hnífa, klippur, exi og sagir.

Þátttakendur læra að lesa í skógarefni út frá útliti, eiginleikum og notagildi gripanna og kynnast ýmsum íslenskum viðartegundum, eiginleikum þeirra og nýtingarmöguleikum.

Auk þess læra þátttakendur að tálga nytjahluti og skrautmuni úr efni sem almennt er kallað “garðaúrgangur”, fullgera tálguhluti, þurrka, pússa og bera á, skefta, búa til sleif, fugl, bolla, snaga
eða það sem hugur þinn og geta leyfa.

Mikilvægt er að vera í vinnufatnaði þegar þú kemur og taka með svuntu og fatnað eftir veðri vegna skógarferðar. Hægt verður að kaupa tálguhníf á námskeiðinu fyrir þá sem vilja.

Allt efni og áhöld eru til staðar á námskeiðinu.

Hámarks fjöldi þátttakenda: 10

Kennsla: Ólafur Oddsson verkefnisstjóri Lesið í skóginn og fyrrverandi fræðslufulltrúi Skógræktarinnar.

Námskeið I: Fös. 12. feb, kl. 16-19 og  lau. 13. feb, kl. 9-16 (FULLT).
Námskeið II: Fös. 19. mars, kl. 16-19 og lau. 20. mars kl. 9-16.

Staðsetning: Hjá Landbúnaðarháskóla Íslands á Reykjum í Ölfusi.

Verð: 35.000 kr. (Allur efniskostnaður, áhöld, kaffi og hádegismatur er innifalinn í verði námskeiðsins).

Hagnýtar upplýsingar: Flest stéttarfélög styrkja félagsmenn sína til að sækja námskeið eða nám.

Námskeið II, 19.-20. mars

Námskeið I, 12.-13. febrúar (FULLT)

UMSAGNIR

„Hér voru fyrstu skrefin tekin og farið full tilhlökkunar heim að halda áfram með vinnuna og margt fleira.”

„Mjög skemmtileg fræðsla, kennari sinnir öllum af natni og alúð.”

Endurmenntun LbhÍ

Landbúnaðarháskóli Íslands býr yfir sterkum og góðum tengslum við atvinnulífið og landsbyggðina sem er jafnframt grunnur að góðri og öflugri endurmenntunardeild við skólann. Endurmenntun LbhÍ þjónar því flestum starfandi einstaklingum á sviði umhverfistengdra málefna í þjóðfélaginu.