Útskriftardagur fyrir nemendur í Reiðmanninum I og II
Sunnudaginn 1. maí er útskrift í Reiðmanninum fyrir nemendur í Reiðmanninum I og Reiðmanninum II. Útskriftin verður haldin í glæsilegri hestamiðstöð Landbúnaðarháskóla Íslands á Mið-Fossum í Borgarfirði.
Fyrirkomulagið verður með þeim hætti að 2 efstu í lokaprófi í hverjum útskriftarhópi á fyrsta og öðru ári hljóta rétt til þátttöku í keppni sem fram fer á útskriftardeginum. Knaparnir sýna prógörmmin sín frá því fyrr um vorið og eru alls 16 reiðmenn með þátttökurétt, átta af hvoru ári. Þrjú efstu prógrömmin í Reiðmanninum II munu svo ríða aftur til úrslita um Reynisbikarinn, sem er farandbikar Reiðmannsins.
Á útskriftardeginum verður einnig haldið lítið mót sem allir nemendur í Reiðmanninum I og Reiðmanninum II eiga rétt á að taka þátt í sér að kostnaðarlausu. Keppt verður úti á reiðvelli ef veður leyfir en að öðrum kosti verður mótið fært inn í reiðhöllina.
Á mótinu verður keppt í gæðingatölti í tveimur flokkum; einn flokkur er fyrir minna vana reiðmenn og annar flokkur fyrir meira vana reiðmenn. Tveir til þrír eru inni á reiðvellinum í einu og er riðið eftir þul, gæðingatölt, hægt tölt, snúið við og frjáls ferð á tölti. Þrír gæðingadómarar dæma á mótinu og er gefin einkunn fyrir hægt tölt, frjáls ferð tölt, fegurð í reið og vilja.
Skráning á mótið verður birt þegar nær dregur útskriftardegi.
Tími: Sunnudagurinn 1. maí kl. 10 – 17
Staður: Hjá Landbúnaðarháskóla Íslands á Mið-Fossum í Borgarfirði
Umsókn
Endurmenntun LbhÍ
Landbúnaðarháskóli Íslands býr yfir sterkum og góðum tengslum við atvinnulífið og landsbyggðina sem er jafnframt grunnur að góðri og öflugri endurmenntunardeild við skólann. Endurmenntun LbhÍ þjónar því flestum starfandi einstaklingum á sviði umhverfistengdra málefna í þjóðfélaginu.
- Haldið í samstarfi við Smalahundafélag Íslands og Bændasamtök Íslands -
Mikill áhugi hefur verið á fjárhundanámskeiðum sem Endurmenntun LBHÍ hefur haldið í samstarfi við Smalahundafélag Íslands og Bændasamtök Íslands, og hafa færri komist að en vilja.
Næsta námskeið verður haldið í reiðhöll LBHÍ á Mið-Fossum í Borgarfirði og eru tvö, tveggja daga námskeið í boði:
- Fyrra námskeiðið er lau. 24. feb. og sun. 25. feb. kl. 9-17: Með eða án hunds
- Seinna námskeiðið er mán. 26. feb. og þri. 27. feb. kl. 9-17: Með eða án hunds
Hámarksfjöldi á hverju námskeiði eru 12 nemendur,
8 til 9 nemendur með hundi og 5 nemendur án hunds.
Í ljósi sögunnar og þróunar búsetu um hinar dreifðu sveitir landsins blasir við að fólki til sveita fækkar og smalamennska verður erfiðari af þeim sökum. Því hafa góðir smalar með vel þjálfaða hunda aldrei verið mikilvægari en einmitt nú. Námskeið þetta er því góð viðleitni við að undirbúa menn fyrir þessa breyttu tíma og auka sérhæfingu á þessu sviði.
Kennari á námskeiðinu er Jo Agnar Hansen sauðfjárbóndi sem kemur frá Noregi. Hann er búinn að vera með smalahund frá árinu 1987 og er talinn einn af fjórum fremstu fjárhundatamningamönnum Noregs.
Jo Agnar hefur verið í norska landsliðinu frá 2006 og er formaður Hedmark Gjeterhundlag sem er deild innan norsku sauðfjár- og geitfjársamtaka Noregs.
Um er að ræða námskeið þar sem vönduð vinnubrögð og fagmennska eru í hávegum höfð. Á námskeiðinu mun Paddy Fanning kenna aðferðafræðina við að temja fjárhunda. Uppbygging námskeiðsins er 80% verkleg þjálfun sem fram fer í reiðhöllinni og úti við ef aðstæður leyfa. Þá er 20% bókleg kennsla eftir því sem þörf krefur.
Hundar verða að vera byrjaðir í tamningu með kindum og kunna að hlýða frumskipunum til að námskeiðið nýtist.
Í boði er að sitja námskeiðið án hunds gegn vægara gjaldi!
Kennari: Jo Agnar Hansen sauðfjárbóndi og fjárhundatemjari frá Noregi
Staður: Reiðhöllinni á Mið-Fossum í Borgarfirði
Tími: Fyrra námskeiðið er lau. 24. feb. og sun. 25. feb. kl. 9-17: Með eða án hunds
Seinna námskeiðið er mán. 26. feb. og þri. 27. feb. kl. 9-17: Með eða án hunds
Verð með hundi: 60.000 kr. - innifalið í verði er kennsla, hádegisverður og kaffi
Verð án hunds: 30.000 kr. - innifalið í verði er að horfa á kennsluna, hádegisverður og kaffi
Hvanneyri - 311 Borgarbyggð
Keldnaholt - 112 Reykjavík
Sími 433-5000
Kt. 411204-3590
