Námskeiðið Matjurtaræktun í óupphituðum gróðurhúsum hefur notið gríðarlegra vinsælda síðustu ár
og færri komist að en vilja.

Námskeiðið er ætlað öllum sem hafa áhuga á ræktun í köldum/óupphituðum gróðurhúsum, hvort sem menn eiga slík húsakynni eða hafa uppi áform um að eignast þau.

Helstu atriði sem farið verður yfir á námskeiðinu:

– Ýmsar gróðurhúsagerðir –
– Staðsetning húsanna út frá birtu, skjóli, aðgangi að vatni og rafmagni –
– Helstu nýtingarmöguleikar kaldra (óupphitaðra) gróðurhúsa –
– Mismunandi frágangur gólfs –
– Jarðvegur, jarðvinnsla og áburðargjöf –
– Sáning og uppeldi –
– Tegundir sem henta til ræktunar, aðferðir við ræktun ólíkra tegunda –
– Meindýr, sjúkdómar og varnir –
– Þrif og sótthreinsun húsa og áhalda –
– Hvernig dreifa má uppskerunni á lengra tímabil og nýta húsin sem best –
– Notkunarmöguleikar húsanna yfir veturinn, vetrarfrágangur –

Þátttakendur fá einnig verklega æfing í sáningu, dreifsetningu og pottun, og að loknu námskeiðinu fá allir      plöntur í potti með sér heim.

Hámarksfjöldi þátttakenda er 20 manns.

Kennari: Ingólfur Guðnason garðyrkjufræðingur og brautarstjóri garðyrkjuframleiðslu hjá LbhÍ.

Námskeið II: Lau. 19. mars kl. 9.00 – 15.00

Námskeið I: Lau. 12. mars kl. 9.00 – 15. 00 

Staður: Hjá LbhÍ á Reykjum í Ölfusi

Verð: 33.000 kr. (Námskeiðsgögn, kaffi, hádegismatur og pottur með plöntu innifalið í verði)

Hagnýtar upplýsingar: Flest stéttarfélög styrkja félagsmenn sína til að sækja námskeið eða nám.