Almennar upplýsingar um námið

Haldið í samstarfi við Ferðafélag Íslands

Námskeiðið er opið öllum og hentar sérstaklega vel þeim sem vilja læra að velja réttan búnað fyrir lengri og styttri göngur í náttúru Íslands.

Námskeiðið skiptist annars vegar í fræðslukvöld og hins vegar í æfingaferð í útivistarparadísinni við Úlfársfell og Reynisvatn þar sem markmiðið er að læra að undirbúa sig fyrir útivistina og vera með rétta búnaðinn við ólíkar aðstæður.

Á fræðslukvöldinu verður yfir hvaða útbúnað þarf til lengri og styttri ferða, hvernig tjöld dýnur og svefnpoka ber að nota, hvernig á að pakka í bakpoka og stilla pokann og hvernig á að velja sér tjaldstað.

Á síðari hluta námskeiðsins er svo komið að því að nota þekkinguna og verður gengið úti í náttúrunni í nágrenni Reykjavíkur undir leiðsögn.

Námskeiðið hentar vel þeim sem vilja kynnast ólíkum gerðum bakpoka og læra hvaða búnað ber að pakka í bakpokann fyrir lengri og styttri ferðir þar sem tekið er tillit til veðurs og árstíða. Þátttakendur fá einnig að kynnast því hvernig velja skal náttstað og lesa í náttúruna.

Kennari á námskeiðinu er Hjalti Björnsson sem er þaulreyndur leiðsögumaður og starfar hjá Ferðafélagi Íslands.

Tvö námskeið eru í boði:

Fyrra námskeið: Þri. 13. apríl og fim. 15. apríl kl. 18-21

Seinna námskeið: Þri. 04. maí og fim. 06. maí kl. 18-21.

Kennari: Hjalti Björnsson leiðsögumaður og kennari

Staðsetning: Hjá LbhÍ á Keldnaholti í Reykjavík og í útivistarparadís í nágrenni Reykjavíkur

Verð: 17.000 (kennsla og verklegar æfingar, fararstjórn og kaffiveitingar er innifalið í verði)

Hagnýtar upplýsingar: Flest stéttarfélög styrkja félagsmenn sína til að sækja námskeið eða nám.