– Námskeiðið er haldið í samstarfi við Sölufélag garðyrkjumanna, Bændasamtök Íslands og HortiAdvice – 

Markmið námskeiðsins er að auka þekkingu um mikilvægi þess að stuðla að heilbrigðum jarðvegi til að stuðla að sem best mögulegri uppskeru.

Þátttakendur munu öðlast aukna þekkingu á mikilvægi þess að taka reglulega jarðvegssýni og hvernig á að taka jarðvegssýni, til að öðlast upplýsingar um stöðu næringarefna, sýrustigs og sjúkdóma í jarðveginum.

Farið verður yfir áhrif rakastigs, næringarefna og sýrustigs í jarðvegi á heilbrigði plantna og uppskeru og þá sérstaklega hvað varðar útiræktun grænmetis.

Eins verður farið yfir þær nýjungar sem eru að finna á markaðinum hvað varðar mælingu næringarefna og raka í jarðvegi, og mælingu á næringarefnum í plöntum.

Kennari á námskeiðinu er Fríða Helgadóttir garðyrkjuráðunautur hjá fyrirtækinu HortiAdvice í Danmörku. Fríða er með meistaragráðu í landbúnaði frá Kaupmannahafnarháskóla og BS gráðu frá sama skóla. Fríða hefur starfað hjá HortiAdvice frá 2018 auk þess sem hún hefur verið eini starfandi garðyrkjuráðunauturinn á vegum Sölufélags garðyrkjubænda (SFG) og verið í góðu samstarfi við íslenska garðyrkjubændur um árabil.

HortiAdvice er einkarekið fyrirtæki sem starfar við ráðgjöf, rannsóknir og þróun í garðyrkju og veitir m.a. ráðgjöf varðandi útiræktun á grænmeti og ávöxtum og ylræktun á grænmeti, blómum og pottaplöntum.

Tími: Námskeið væntanlega haldið næst haust 2024

Staður: Hjá Landbúnaðarháskóla Íslands á Keldnaholti í Reykjavík

– Athygli er vakin á að flest stéttarfélög styrkja félagsmenn sína til að sækja nám og námskeið