Almennar upplýsingar um námið

Mikil þróun og vöxtur hefur verið í skógrækt hér á landi og þar á meðal í ræktun á jólatrjám. Ræktendur jólatrjáa þurfa að huga vel að því að velja til ræktunar jólatré sem henta aðstæðum á landi þeirra sem og að velja þá ræktunaraðferð sem hentar á hverjum stað.

Á námskeiðinu munu reyndir skógræktarráðgjafar hjá Skógræktinni fjalla um þá reynslu sem orðin er til hér á landi í ræktun jólatrjáa. Skoðaðar verða tilraunaniðurstöður í ræktun jólatrjáa hér á landi og kynnt hvernig ræktun er undirbúin með tilliti til ólíkra aðstæðna. 

Þátttakendur læra hvaða trjátegundir er helst verið að rækta á Íslandi og fá góða innsýn í hvernig standa skuli að umhirðu ræktunarinnar til að fá sem besta nýtingu. Jafnframt eru tekin dæmi um hvernig Danir standa að sinni jólatrjáaræktun og farið í vettvangsferð.

Námskeiðið er hluti af námskeiðaröðinni Grænni skógar I sem einingabært nám á framhaldskólastigi á vegum Endurmenntunar LbhÍ

Kennsla: Hallur Björgvinsson og Jón Þór Birgisson skógræktarráðgjafar hjá Skógræktinni.

Tími: Fös. 5. nóv, kl. 16:00-19:00 og lau. 6. nóv, kl. 09:00-16:00 hjá LbhÍ á Reykjum í Ölfusi.

Verð: 39.000 kr. (innifalið í verði er kennsla, námskeiðsgögn, kaffi og hádegismatur)

Hagnýtar upplýsingar: Við minnum á að flest stéttarfélög styðja vel við félagsmenn sína í að sækja nám og námskeið.