Hér á landi fellur gríðarlegt magn af lífrænum úrgang sem nýta má sem næringarefni. Á námskeiðinu er farið í grunnatriði og meginstefnur í meðhöndlun lífræns úrgangs, bæði hér á landi og erlendis. Þróun í meðhöndlun lífræns úrgangs er skoðuð, fjallað um lög og reglugerðir, skilgreiningar og hugtök, mismunandi leiðir og útfærslur við meðhöndlun úrgangs, umhverfis- og samfélagsleg áhrif sem og samlegðaráhrif aðgerða við nýtingu úrgangs. Farið er í skoðunarferð til nýrrar gas- og jarðgerðarstöðvar Sorpu í Álfsnesi ef aðstæður leyfa.

Markmið námskeiðsins er að leggja áherslu á heildræna nálgun í meðhöndlun úrgangs og þá sérstaklega með tilliti til lífræns úrgangs og hvaða aðilar koma að málum. Þátttakendur fræðast um þann orkusparnað sem getur orðið við endurvinnslu úrgangs í hringrásarhagkerfi og nýjar leiðir sem hafa verið að þróast við meðhöndlun lífræns úrgangs.

FJALLAÐ ER UM
– Undirstöðuatriði og meginstefnur í meðhöndlun úrgangs
– Lög og reglugerðir, skilgreiningar og hugtök
– Mismunandi leiðir til meðhöndlunar úrgangs
– Umhverfis- og samfélagsáhrif
– Samvinnu í efnis- og vörukeðjum
– Tengsl úrgangs og orkumála
– Hringrásarhagkerfið hér á landi og erlendis

FYRIR HVERJA
Námskeiðið hentar öllum sem vilja dýpka þekkingu sína og skilning á þeirri þróun sem hefur átt sér stað í meðhöndlun á lífrænum úrgangi og því hvernig einstaklingar, fyrirtæki og stofnanir lagt sitt af mörkum við að loka hringrás lífrænna (úrgangs)efna, auka nýtni næringarefna m.a. sem áburð í landbúnaði og draga úr útgjöldum ríkis og sveitarfélaga. Engar forkröfur. 

NÁMSMAT
100% heimapróf

KENNSLUFYRIRKOMULAG
Um er að ræða 4 vikna námskeið sem kennt er á Teams og hefst miðvikudaginn 19. mars. Gert er ráð fyrir einni staðarlotu (heimsókn í Sorpu) í lokaviku námskeiðs 12.-15. apríl. Hægt er að nálgast upptökur af fyrirlestrum á kennsluvef skólans og þeir aðgengilegir nemendum meðan á námskeiðinu stendur.

KENNARI
Cornelis Aart Meijles umhverfisverkfræðingur og stundakennari hjá Landbúnaðarháskóla Íslands

VERÐ
44.000 kr.

– Við vekjum athygli á að flest stéttarfélög styrkja félagsmenn sína til að sækja nám og námskeið  

Upplýsingar um greiðsluskilmála og greiðslukjör