Almennar upplýsingar um námið

Námskeiðið er ætlað öllum sem hafa áhuga á ræktun í köldum/óupphituðum gróðurhúsum, hvort sem menn eiga slík húsakynni eða hafa uppi áform um að eignast þau.

Helstu atriði sem farið verður yfir á námskeiðinu:

• Ýmsar gróðurhúsagerðir
• Staðsetning húsanna út frá birtu, skjóli, aðgangi að vatni og rafmagni
• Helstu nýtingarmöguleikar kaldra (óupphitaðra) gróðurhúsa
• Mismunandi frágangur gólfs
• Jarðvegur, jarðvinnsla og áburðargjöf
• Sáning og uppeldi
• Tegundir sem henta til ræktunar, aðferðir við ræktun ólíkra tegunda
• Meindýr, sjúkdómar og varnir
• Þrif og sótthreinsun húsa og áhalda
• Hvernig dreifa má uppskerunni á lengra tímabil og nýta húsin sem best
• Notkunarmöguleikar húsanna yfir veturinn, vetrarfrágangur

Verkleg æfing í sáningu, dreifsetningu og pottun. Nemendur fá plöntur í potti með sér heim.

Kennsla: Ingólfur Guðnason garðyrkjufræðingur og brautarstjóri garðyrkjuframleiðslu hjá LbhÍ.

Tími: Þrjú námskeið í boði:

I: Lau. 21. mars, kl. 9:00-15:00 (7 kennslustundir) hjá Landbúnaðarháskóla Íslands, Reykjum, Ölfusi.

II: Lau. 28. mars, kl. 9:00-15:00 (7 kennslustundir) hjá Landbúnaðarháskóla Íslands, Reykjum, Ölfusi.

III: Sun. 29. mars, kl. 9:00-15:00 (7 kennslustundir) hjá Landbúnaðarháskóla Íslands, Reykjum, Ölfusi.

Námskeiðin frestast um óákveðinn tíma vegna stöðu mála á landinu í tengslum við COVID-19

Verð: 19.600 kr. (kaffi, hádegismatur og pottur með plöntu innifalin í verði).