Almennar upplýsingar um námið
Námskeiðið er ætlað keppnisknöpum og fá nemendur innsýn í það hvernig hugaþjálfun hjálpar knapanum við að setja sér markmið, ná stjórn á aðstæðum, skipuleggja sig á keppnisstað og keppnisdegi og hvernig þjálfun leiðir til árangurs. Fjallað verður meðal annars um mikilvægi markmiðasetningar, samskipti þjálfara og iðkanda, hvernig á að “hafa augun á boltanum” og búa til réttu stemninguna.
Námskeiðið fer fram í fjarkennsluforritinu TEAMS, sem er einfalt og notendavænt kerfi. Þátttakendur námskeiðsins sjá kennarann, glærur og töflu sem og aðra þátttakendur og geta spurt spurninga og tekið þátt í umræðum og spjalli undir stjórn kennarans. Athugið að námskeiðið fer einungis fram í rauntíma.
Það eina sem þú þurfið að hafa til taks fyrir námskeiðið er tölva, spjaldtölva eða sími ásamt hljóðnema. Flestar tölvur eru með vefmyndavél sem við hvetjum fólk að hafa kveikt á svo við sjáum hvert annað því þá skapast skemmtilegri stemming og samræður verða líflegri.
Gott er að vera komin inn á fundinn 2-3 mín áður, til að hægt sé að byrja á réttum tíma.
Mælt er með að þátttakendur noti Chrome eða Firefox vafra.
Daginn áður en námskeið hefst er hlekkur námskeiðsins sendur á það netfang sem þátttakandi gaf upp við skráningu ásamt góðum leiðbeiningum um þátttöku í gegnum TEAMS. Ekki er nauðsynlegt að hlaða TEAMS forritinu niður, aðeins þarf að smella á hlekkinn til að fara inn á námskeiðið.
Kennsla: Hinrik Þór Sigurðsson reiðkennari hjá Landbúnaðarháskóla Íslands.
Tími: 12. maí 2021 kl. 18-21
Staður: Fjarfundur á Teams
Verð: 12.000 kr.
20% afsláttur fyrir þá sem skrá sig einnig á námskeiðið Reiðmennska í huganum fyrir hestamenn fyrir 30. apríl nk.
Markmiðssetning
- Hvað er markmið? SMART módelið
- Hvaða markmið passar mér?
- Leiðin að markmiðinu
Stjórn á aðstæðum
- Búa til „rétta stemningu“
- Hugarástandsstjórn (trigger)
- Líkamstjáning
- Mantra og jákvætt sjálfstal
- TEAM
Skipulag á keppnisstað og keppnisdagurinn
- Aðstæður
- Upphitun
- “Augun á boltanum”
Þjálfun og uppbygging til árangurs
- Samskipti þjálfara og iðkanda
- Þjálfun á milli reiðtíma
Umsókn
Endurmenntun LbhÍ
Landbúnaðarháskóli Íslands býr yfir sterkum og góðum tengslum við atvinnulífið og landsbyggðina sem er jafnframt grunnur að góðri og öflugri endurmenntunardeild við skólann. Endurmenntun LbhÍ þjónar því flestum starfandi einstaklingum á sviði umhverfistengdra málefna í þjóðfélaginu.
Hvanneyri - 311 Borgarbyggð
Keldnaholt - 112 Reykjavík
Sími 433-5000
Kt. 411204-3590
