Almennar upplýsingar um námið

Á námskeiðinu er fjallað um faggreinina skipulagsfræði og helstu kenningar hennar. Gerð er grein fyrir hugmyndafræði, skilgreiningum og hugsanakerfi í skipulagsfræði. 

Saga og þróun ráðandi hugmynda og samspil þeirra við breytingar á stjórnkerfi, félagslegum, hagrænum og umhverfislegum ástæðum eru til umfjöllunar, og hvernig sstjórnkerfi, samfélagslegur bakgrunnur og gildismat verkar á skipulagskenningar.

Einnig er fjallað um hverjir eru helstu áhrifavaldar og hagsmunahópar sem ráða ferðinni og hvaða áhrif skipulagsfræðin hafa á umhverfi okkar og á hvaða hátt, bæði alþjóðlega og í tengslum við íslenskt samfélag.

Íslensk skipulagssaga er jafnframt rakin í stórum dráttum á gagnrýninn hátt.

Nemendur sem sækja þetta námskeið hjá Endurmenntun LBHÍ sækja sama námskeið og nemendur sem skráðir eru í nám í Skipulagsfræði við Landbúnaðarháskóla Íslands. Nemandi sem uppfyllir öll skilyrði til próftöku verður gefinn kostur á að fá vottað einingamat í lok námskeiðs.
Námskeiðið er á meistara stigi og má meta til 4 ECTS eininga.

Kennari: Astrid Lelarge brautarstjóri og aðjúnkt í skipulagsfræði við LBHÍ

Staður: Hjá Landbúnaðarháskóla Íslands á Keldnaholti í Reykjavík

Tími: Seinni haustönn (frá miðjum okt til loka nóv) – stundaskrá kynnt um leið og hún liggur fyrir

Verð: 64.000 kr.